Lojërat e fatit zbrasin xhepat e shqiptarëve/ Zhvaten miliarda lekë

4 Gusht 2018, 10:52, Aktualitet CNA

Në vitin 2013, aksioni ?Fundi i marrëzisë? me qëllim disiplinimin e tregut të bixhozit startoi vrullshëm dhe me bujë.

Ky aksion pritej t?i jepte fund kancerit të lojërave të fatit, por sot pas pesë vitesh ky lloj biznesi ?lulëzon? si kurrë më parë, me fitime marramendëse.

Sot, kur kanë kaluar pesë vite nga spektakli ?Fundi i marrëzisë?, kazinotë, pikat e basteve, kanë pushtuar çdo qytet, çdo lagje, çdo rrugë, çdo pallat dhe gati sa nuk po hyjnë në shtëpitë e qytetarëve.

Në këtë mënyrë, shpenzimet e qytetarëve në kërkim të një pasurie pa u lodhur, duke kaluar nga ruletat e fatit apo bastet sportive, kapin shifra të ?çmendura?.

Dikur u trumbetua se pas ndryshimeve legjislative ky lloj biznesi do ta ushtronte aktivitetin e tij jashtë qyteteve, por jo vetëm që nuk u larguan, u pakësuan, apo u mbyllën, por u shtuan si ?këpudhat? pas shiut, duke rrjepur në mënyrë masive qytetarët.

CNA.al sjell shifra që tregojnë fitimet marramendëse të kompanive të bixhozit. Fitime që ?klithin? për rrjepjen dhe zbrazjen e xhepave të qytetarëve.

Nga viti 2015-2016-2017, sipas një përpunimi të të dhënave nga Monitor, rritja e fitimeve të kompanive të lojërave të fatit është e frikshme.

Nga viti 2015 deri në vitin 2016, shpenzimet e qytetarëve në ruletat e fatit, bastet e të tjera nga 13,335,927, 182 lekë në 15,221,208,023 lekë.

Qarkullimi vjetor zyrtar i industrisë së bixhozit, në vitin 2017, shkon në 16.6 miliardë lekë, ose rreth 132 milionë euro. Në krahasim me vitin 2016, shpenzimet e qytetarëve në lojërat e fatit, janë rritur frikshëm me 9.3%, apo rreth 11 milionë euro më shumë.

Në vitin 2016, vit kur ishte edhe kampionati evropian, shpenzimet për baste sportive përllogariten rreth 30 milionë dollarë.

Në vitin 2017 nuk kishte as Kampionat Botëror dhe as Evropian, por kjo nuk ka qenë pengesë për këtë lloj biznesi që të rrisë të ardhurat.

Në total, shpenzimet për loto ishin 5.8 miliardë lekë, ose rreth 48 milionë euro në vitin 2017.

Nuk mund të imagjinohet se kanë qenë shpenzimet e qytetarëve dhe fitimin e industrisë së lojërave të fatit, për vitin 2018, kur është luajtur Kampionati Botëror.

Një gjë është e sigurt si me kampionat ose jo, miliardë lekë po merren nga xhepat e qytetarëve, nga biznesi i lojërave të fatit. /CNA.al