web counter
LEXO PA REKLAMA!

SHKARKO APP

App Store
Google Play

Vodhi argjendarinë në mes të Durrësit/ Arrestohet 22 vjeçari

4 Gusht 2018, 08:22, Aktualitet CNA

Policia e Durrësit ka vënë në pranga një person nën akuzën se ka vjedhur një argjendari në bulevardin kryesor të qytetit.

Nga të dhënat të bëra të ditura nga policia mësohet se në pranga ka rënë shtetasi Robert Hasmuça 22 vjeç, banues në Tiranë.

Postimi i policisë:

Finalizohet me sukses operacioni i koduar “Argjendaria “.

Operacioni me metoda speciale të hetimit.

Vihet në pranga autori nga Forcat Operacionale të Drejtorisë Vendore të Policisë Durrës  autori i dyshuar i vjedhjes me dhunë të një argjendarie  në bulevard kryesor, në vlerën rreth 5.6 milionë lekë.

Specialistët për Hetimin e Krimeve në Komisariatin e Policisë Durrës pas një pune hetimore të specializuar dhe bazuar në prova shkencore kanë bërë të mundur zbardhjen dhe dokumentimin e vjedhjes së argjendarisë  në bulevard më datë 18.04.2018.

Forcat Operacionale në Drejtorinë Vendore të Policisë Durrës kanë finalizuar operacionin e koduar” Argjendaria”, operacion i ndjekur me metoda speciale ku në një zonë të Tiranës kanë kapur dhe ndaluar autorin e dyshuar, shtetasin:

Uniformat blu kanë ekzekutuar masën e sigurisë “Arrest me burg” të Gjykatës së Shkallës së Parë Durrës , Vendim Nr.216, datë 20.06.2018 në ngarkim të shtetasit Hasmuça, i cili në bashkëpunim me një shtetas tjetër ( vijon puna për identifikimin e plotë të tij), në lagjen Nr.4 kanë vjedhur me dhunë një argjendari ku kanë marrë rreth 2 kg flori me vlerë rreth 5.6 milionë lekë.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja me dhunë ” në bashkëpunim parashikuar në nenin 139, 25 të Kodit Penal.

/CNA.al





Lajmet e fundit nga