web counter
LEXO PA REKLAMA!

SHKARKO APP

App Store
Google Play

Vota e emigrantëve/ Majko: Duhet ndryshuar Kushtetuta

3 Gusht 2018, 21:05, Aktualitet CNA

Vota e emigrantëve do të kërkojë sërish që maxhoranca dhe opozita të bashkojnë votat për të mundësuar ndryshimet e nevojshme kushtetuese që do të duhen për të bërë realitet atë që të gjithë e kanë premtuar prej thuajse 20 vitesh.

Ministri për Diasporën Pandeli Majko shprehet se në qarqet e maxhorancës është diskutuar nevoja për ndërhyrjen në Kushtetutën shqiptare, shkruan Tema.

?Ajo që unë kam frikë është ne duhet të prekim Kushtetutën. Pasi një nga sistemet apo modeli i përshtatshëm për pjesëmarrjen e Diasporës do të kërkojë ndryshimin e formulës së zgjedhjes së deputetëve.

Për fat të keq jemi treguar shumë detajistë për sa i përket Kodit Zgjedhor në ndryshimet kushtetuese të 2009 për shkak të mosbesimit që kishin palët?- u shpreh Ministri.

Por votimi i emigrantëve mbart me vete një sërë problematikash, zgjidhja e të cilave nuk është e thjeshtë.

?Një nga shanset që kemi dhe që mund të kryhet pa shpenzime. Të gjithë shtetasve shqiptar tani ju plotësohet 10-vjeçari i përdorimit të dokumeteve të identifikimit.

Do të thotë të gjithë duke filluar nga Presidenti i Republikës duhet të ribëjnë pasaportat. Është momenti kur të specifikohet dhe adresa dhe të vendoset ajo permanente jashtë shtetit, jo adresa që kanë patur kur jetonin në Shqipëri?-tha Majko.

Në Korrik Kuvendi miratoi rezolutën e parë për diasporën me votat e shumicës parlamentare.





Lajmet e fundit nga