E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Basha e ndërtoi dhe e vodhi, Veliaj e shkatërroi/ Rruga që fakton dështimin e kryebashkiakëve

4 Gusht 2018, 17:11, Aktualitet CNA

Dje CNA.al nëpërmjet fakteve tregoi sesi punët e mëdha që kryebashkiaku i Tiranës, Erion Veliaj trumbeton fort në media çdo ditë javë veçse propagandë dhe fasada e radhës.

CNA.al tregoi dje sesi në një nga zonat më të frekuentuara të Tiranës, pranë Venue, aty ku kryqëzohen rrugët ?Endri Keko? me rrugën ?Sadik Petrela?, gropat thyejnë dhe shkatërrojnë çdo ditë makinat e qytetarëve.

Kjo është kthyer në një problematike vërtetë shumë shqetësuese për qytetarët, dhe është konstatuar edhe nga policia, por askush nuk po vë dorë, që situata të ndryshojë.

Por, nga një investigim i mëtejshëm vihet re edhe një fakt tjetër. Rruga ?Sadik Petrela? është rikonstruktuar nga Lulzim Basha, në kohën kur ky i fundit ishte kryetar i Bashkisë së Tiranës. Basha, në atë kohë, e cilësoi si ?standardin? që duhet ndjekur.

?Ky është modeli i ri i punës dhe standarti që Bashkia e Tiranës do të imponojë anë e mbanë qytetit, duke filluar me zonat e harruara dhe ato në nevojë, duke pasur si parim jo vetëm qendrën e qytetit por kudo ku qyteti shtrihet, duke filluar nga pragu i qytetarëve, për t?ju ofruar qytetarëve të Tiranës një cilësi më të mire jete dhe për ta bërë Tiranën një qytet ku jetohet më mire?, tha Basha në maj të vitit 2012.

Por, sot faktohet që standarti i Bashës ishte vjedhje, sepse rruga në fjalë është totalisht e dëmtuar, duke u shdnërruar në një shqetësim tepër serioz për qytetarët e Tiranës. Gropat në këtë rrugë shkatërrojnë dhe gati thyejnë çdo ditë makinat e qytetarëve të Tiranës.

Që Lulzim Basha nuk ka bërë asgjë gjatë kohës që drejtonte Bashkinë e Tiranës kjo dihet, por edhe një gjë që është bërë, nuk është bërë si duhet.

Ndërsa tashmë pas Bashës, drejtimin e Bashkisë së Tiranës e ka marrë Erion Veliaj, përtej Lulit, i vetëpagëzuari me emrin ?Lali Eri?, nuk bën asgjë tjetër veçse rrin dhe numëron gropat dhe makinat që bien në to çdo ditë, por nuk harron të dalë në televizor duke thënë se Tirana është në rrugën e duhur. /CNA.al

Fotot-Demaskohet Veliaj/ Gropat thyejnë makinat