web counter
LEXO PA REKLAMA!

SHKARKO APP

App Store
Google Play

Çfarë po ndodh me “Babalen”/ Pse hesht Lulzim Basha ?

4 Gusht 2018, 16:46, Aktualitet CNA

Pak kohë më parë, Partia Demokratike nisi një fushatë denoncimesh të njëpasnjëshme ndaj ministrit të Brendshëm, Fatmir Xhafaj.

Një fushatë që në fillim u duk e mirëorganizuar. Madje, kjo ishte e para herë që pas marrjes së drejtimit nga Lulzim Basha që PD dukej e mire organizuar në një betejë opozitare kundër qeverisë.

Por, çfarë ndodhi më tej? PD publikoi një audio-përgjim, në të cilin pretendonin se Agron Xhafaj, vëllai i ministrit të Brendshëm, Fatmir Xhafaj shfaqej duke bërë pazare droge. Në skenë doli i ashtuquajturi ?Dëshmitari X?, Albert Veliu, apo siç njihet ndryshe me emrin ?Babale?.

Por, ai që u prezantua nga Basha si heroi i ditës, tashmë ka mbetur në harresë. Albert Veliu ndodhet në Kosovë, ku ka kërkuar strehim politik, ndërsa ka pranuar se audio-përgjimi ishte e gjitha inskenim.

Kryetari i Partisë Demokratike ja ka mbathur drejt Hollandës, për të ujitur lulet dhe ajrosur shtëpinë, Rama vijon pushimet, ndërsa ?Babalja? vijon të qëndrojë në kamp në Kosovë, ku është raportuar se ka pasur edhe një tentativë vrasje kundër tij.

Fakti që Albert Veliu, apo i ashtuquajturi ?Babale? është lënë në harresë, tregon se e gjithë fushata opozitare e cila u trumbetua fort në media nga PD, ishte veçse një flluskë sapuni e Bashës bashkë me ata që i vijnë nga pas./ CNA.al





Lajmet e fundit nga