web counter
LEXO PA REKLAMA!

SHKARKO APP

App Store
Google Play

Ahmetaj jep lajmin e mirë për ekonominë shqiptare

4 Gusht 2018, 15:35, Aktualitet CNA

Ministri i Ekonomisë dhe Financave, Arben Ahmetaj në një postim në faqen e tij në rrjetet sociale ka bërë të ditur se ekonomia shqiptare ka marrë sërish notë pozitive.

?Agjensia prestigjioze e vlerësimit Standard and Poor?s jep një tjetër vlerësim pozitiv për ekonominë e Shqipërisë, duke konfirmuar notën ?B+?, me perspektivë të qëndrueshme si ekonomike ashtu edhe fiskale për periudhën në vijim.?-shkruan Ahmetaj në postimin e tij.

Po ashtu Ahmetaj thekson se ?performanca fiskale e vendit është rritur ndjeshëm në vitet e fundit, mbështetur nga rritja e qëndrueshme ekonomike?.

Postimi i plotë:

Sërish notë pozitive për ekonominë shqiptare.

Agjensia prestigjioze e vlerësimit Standard and Poor?s jep një tjetër vlerësim pozitiv për ekonominë e Shqipërisë, duke konfirmuar notën ?B+?, me perspektivë të qëndrueshme si ekonomike ashtu edhe fiskale për periudhën në vijim.

Në raportin e publikuar ditën e djeshme, S&P vlerëson se performanca fiskale e vendit është rritur ndjeshëm në vitet e fundit, mbështetur nga rritja e qëndrueshme ekonomike dhe nga një kuadër fiskal i përmirësuar, i cili tanimë e ka vendosur detyrim në ligj kontrollin rigoroz të deficitit dhe uljen e tij, duke vendosur nën kontroll risqet e lidhur me të.

Ecuria e performancës fiskale të Shqipërisë vlerësohet të mbetet pozitive deri në vitin 2021 dhe më e mirë se vendet me renditje të ngjashme, e mbështetur nga pritshmëritë pozitive të rritjes ekonomike dhe kontrollit të financave publike.

Në të njëjtën kohë vlerësohet performanca në rritje e të ardhurave buxhetore, mirë administrimi si rezultat edhe i uljes së informalitetit, kontrolli dhe ulja e shpenzimeve dhe vazhdimi i reformave strukturore nga ana e qeverisë, kryesisht ajo në sistemin e drejtësisë, të cilat pritet të reflektohen në një renditje më të lartë vitin e ardhshëm .





Lajmet e fundit nga