web counter
LEXO PA REKLAMA!

SHKARKO APP

App Store
Google Play

Thaçi sulmon ashpër Berishën: Furnizove me armë Millosheviçin dhe strehove Bin Ladenin  

4 Gusht 2018, 14:34, Aktualitet CNA

Një përplasje e ashpër në distancë është shënuar sot në mes të ish-kryeministrit Sali Berisha dhe presidentit të Kosovës, Hashim Thaçi.

Sot në një postim në faqen e tij në rrjetet sociale, Berisha është shprehur se Serbia s?mund të prekë asnjë pëllëmbë të tokave shqiptare.

Ndërkohë, ka qënë i menjëhershëm reagimi i Thaçit, i cili është shprehur mjaft i ashpër ndaj Berishës.

Në një postim në faqen e tij në rrjetet sociale, Thaçi shkruan se Kosovës nuk i duhen këshilla nga ata që ndihmuan me armë Milloshevicin apo atyre që strehuan Bin Ladenin.

?Institucioneve të Republikës së Kosovës sot më së paku iu duhen këshillat e të dëbuarve me votë masive nga skena politike.

Veçanërisht të atyre që në mes viteve 1992 ? 1997 tregtonin dhe bënin që me punët e tyre të pista të mbijetonte makineria ushtarake dhe policore e kasapit të Ballkanit, Sllobodan Milloshevic. Ata duke mbushur xhepat e tyre, u kujdesën me devotshmëri që rezervuaret e tankeve dhe autoblindave të jenë të mbushur plot, përkundër faktit se bashkësia ndërkombëtare kishte vënë sanksione kundër Milloshevicit.

Nuk i duhen këshillat e atyre që strehuan Bin Ladenin, vrasësin e civilizimitbotëror si dhe Arkanin, vrasësin e shqiptarëve të Kosovës.

Nuk i duhen këshillat e atyre që burgosën komandantin legjendar Adem Jashari, si dhe komandantë të shquar si Fehmi e Xhevë Lladrovci, Zahir Pajazit, dhe UÇK-në e etiketuan si terroriste.?-shkruan Thaçi në postimin e tij.





Lajmet e fundit nga