web counter
LEXO PA REKLAMA!

SHKARKO APP

App Store
Google Play

Gjyqtari Astrit Faqolli në “filtrin” e Vettingut/ Zbardhen gjetjet e KPK-së

23 Korrik 2018, 08:28, Aktualitet CNA

Gjyqtari i Gjykatës së Tiranës, Astrit Faqolli  ka dalë sot, para Komisionit të Vettingut.

Trupi gjykues që po shqyrton rivlerësimin e tij përbëhet nga Firdes Shuli, Roland Ilia dhe Genta Tafa Bungo.

Kujtojmë se Faqolli i është nënshtruar Vettingut me përparësi pasi është kandidat për KLGJ.

Sipas KPK, Faqolli ka bërë deklarim të saktë të pasurisë.

Nga të dhënat e ILDKP-së, Faqolli ka në pronësi një truall me sipërfaqe 32 m2 në Librazhd, ku është ndërtuar një bodrum, lokal dhe banesë. Po ashtu subjekti ka deklaruar si burim të të ardhurave nder vite dhe një hua.

Por, sipas KPK-së, ka mospërputhje të të dhënave mes sipërfaqes së lejes së ndërtimit dhe aktit të kolaudimit.

?Në deklaratën e pasurisë së vitit 2011, subjekti ka deklaruar shumën 3 milionë lekëve për ndërtimin e objektit. Kjo shumë nuk përputhet me deklaratën e vettingut. Në aktin e kolaudimit, vlera shënohej 2.7 mln, kurse në kontratën me ndërtuesit nuk përcaktohej vlere?, deklaron KPK.

Sipas Faqollit,  shuma e deklaruar mbulon dhe taksën e studimit, apo kontratat me OSHEE.

Faqolli e ka nisur karrierën e tij në sistemin e drejtësisë si inspektor në Inspektoriatin e Këshillit të Lartë të Drejtësisë, ku ka punuar gjatë viteve 2003-2010.

Në vitin 2010, Faqolli u emërua gjyqtar në Gjykatën e Durrësit dhe prej vitit 2013 e ushtron detyrën në Gjykatën e Tiranës./CNA.al

 





Lajmet e fundit nga