Qytetarët “vënë me shpatulla pas muri” Ramën/ Ja si u përgjigjet kryeministri

23 Korrik 2018, 07:56, Aktualitet CNA

Në vijim të ritualitn të tij të përditshëm, kryeministri Edi Rama ka përshëndetur ndjekësit në rrjetet sociale, duke prezantuar projektin për një aks strategjik për turizmin dhe ekonominë kombëtare, Delvinë-Kardhiq.

?MIRËMËNGJES dhe me këtë tjetër projekt madhor të Programit Kombëtar të Rrugëve për Shqipërinë që duam, për një aks strategjik për turizmin dhe ekonominë kombëtare, Delvinë-Kardhiq, premtuar njëzet vjet me radhë e inauguruar me daulle elektorale për t?u lënë rrugëve si të tëra rrugët e tjera që trashëguam, por që tanimë do të kthehet nga 3D në kantier ndërtimi në muajin shtator, ju uroj një jave të mbarë?-shkruan Rama në postimin e tij.

Por, reagimet e qytetarëve kanë qënë të menjëhershme, të cilët e akuzojnë kryeministrin se janë vetëm projekte 3D, dhe jo punë konkrete.

?Per projektje jeni klas ju po na thuaj zoti Kryeminister cfare rrugesh keni bere per 5 vjet qe keni qene ne pushtet. Jo se me plas fort mua po me vjen gjynah per at popull qe po mashtrohet pa mas.?-shkruan një qytetar.

Por, kryeministri i është kthyer, duke e ironizuar, ndërsa shkruan ?Ah te marrsha te keqen une ty qe qake hallin e popullit ne vend se te qash tendin, qe flet ne hava pa ditur cfare thua. Po mesoje te pakten qe kush eshte klas ne projekte, ka bere gjysmen e punes dhe sa per sa rruge kemi bere ne 4 vjet e 9 muaj (nuk jane bere 5 akoma), nuk po t?i numeroj se s?dua te te lodh, po nje sugjerim vellazeror mbaje nga une: Informohu per ate qe flet, se kur flet pa informacion behesh qesharak.

Një tjetër qytetar shkruan ?Po shum mire nje shtet qe te quhet shtet duhet te ket sa me shum rrug- autostrada. Po ate dreq rrugen fier-vlore kur keni ndermend ta perfundoni se levani eshte ber prej kohe burim aksidentesh. Ca pakujdesia e shoferave e ca ajo rrug pa asnje lloj standarti. I shikoni besoj…?.

Dhe sërish Rama ka replikuar me komentuesit, duke bërë fajtor të tjerët për dështimet e tij. ?I shikojme Gentian i shikojme, i shikojme me shume se sa ti sepse na e do puna ti shikojme, por qe ta kuptosh edhe ti si eshte kjo pune, duhet ta mesosh qe u anullua nje kontrate mizerje per nje projekt mizerje, u rishikua projekti e u ristruktrua financimi me Banken Europiane dhe tani po zhvillohet gara qe te lidhet kontrata e re e te nise puna ne shtator per te perfunduar deri ne sezonin e ardhshem?-shkruan kryeministri./ CNA.al

Ja disa nga komentet e qytetarëve: