web counter
LEXO PA REKLAMA!

SHKARKO APP

App Store
Google Play

Nëna lind bebin e vetme në oborr, filmon të gjithë proçesin (Video)

22 Korrik 2018, 21:00, Aktualitet CNA

Një nënë ka lindur bebin krejtësisht e vetme në oborrin e shtëpisë teksa proçesin e ka filmuar dhe videon e kanë parë më shumë se 1.4 milion njerëz. “Është gjëja më e natyrshme dhe normale në botë. Unë nuk mendoj se është e çuditshme. Në kulturat e vjetra vajzat shikonin nënat e tyre të lindin në mënyrë që ta dinin se çfarë ishte. Tani shansi për ta bërë këtë është shumë i vogël. Kjo u jep njerëzve mundësinë për të parë lindjen, dhe sidomos lindjen pa ndërhyrje. Është një gjë e rrallë për të parë. Unë e dua familjen time të lumtur dhe të shëndetshme”, u shpreh Sarah Schmid nga Halle, Gjermani.

“Kam studiuar mjekësi, edhe pse tani jam një mami me kohë të plotë. Pashë femra që lindnin në spital dhe mendova: Nuk mund ta bëj këtë. Nuk është relaksuese”, shpjegoi 36-vjeçarja, nënë e 6 fëmijëve, Johanna, 11, Jonathon, 10, Emanuel, 8, Elisabeth, 6, Konstantin, 3, dhe Kiran, 1 vjeç.

“Kam lexuar shumë mbi lindjen. U përpoqa të mësoja gjithçka rreth lindjes që mendova se duhet ta dija”.

Sarah e cila është e martuar me Timon 41-vjeç, tha se fëmijën e dytë e ka lindur e vetme në një pyll në Suedi.

“Pylli është shumë relaksues, kështu që mendova se ishte vendi më i mirë për mua që të lindja fëmijën tim. Hapa batanijen e piknikut dhe linda. Kishte vetëm pemë dhe unë e zhveshur. Nuk e mora parasysh që bashkëshorti nuk ishte aty. Kisha frikë për lindjen për shkak se isha pa ndihmë. Por ndjeva se më parë duhej të merresha me frikën time. Bashkëshortin e thirra kur fëmija lindi. Kam xhiruar të gjitha lindjet, me përjashtim të dy të parëve”, tregoi Sarah.





Lajmet e fundit nga