Situatë e frikshme/ Ja bilanci tragjik i mbytjeve në Shqipëri

22 Korrik 2018, 19:05, Aktualitet CNA

Dy viktima janë shënuar ditën e sotme në Shqipëri, të cilët u mbytën në det. Rasti i parë u shënua në Velipojë, ku një 30-vjeçar ndërroi jetë pasi hyri në det për të shpëtuar të fejuarën, por që u mbyt vetë.

Pasditja solli një tjetër viktimë, kësaj radhe në Durrës, ku një i ri humbi jetën pasi rrezikoi mbytjen në plazhin e Gjirit të Lalzit. I riu u dërgua me urgjencë në spital, por nuk mundi të mbijetonte.

Por, këto nuk janë të vetmet raste tragjike të mbytjeve në Shqipëri, gjatë kësaj vere, ku shënohen edhe rreth 11 raste të tjera, kur pushimet janë shëndërruar në tragjedi për pushuesit në bregdetin shqiptar.

Në datën 02.06.2018, një ngjarje e rëndë tronditi opinionin, ku një 21-vjeçar nga Peshkopia, u raportua së ishte mbytur në Gjirin e Lalëzit, në Durrës.

Ndërsa me, 5 qershor 2018, një fëmijë 12 vjeç u mbyt në Liqenin e Farkës, pasi ishte futur në liqen për t?u larë me shokët e tij.

Në datën 16.06.2018 një i moshuar është mbytur në plazhin e Velipojës. Pushuesi është një 71-vjeçar i identifikuar si Qamil Bajrami, banues në Prishtinë, ndërsa dy ditë më, pas në datë 18.06.2019, rreth orës 12:19, në plazhin e Golemit gjatë kohës që ka qenë duke u larë në det është mbytur aksidentalisht shtetasi L. H., 67 vjeç, banues në Tiranë.

Në datën 19.06.2018 një shtetas iranian është mbytur në rezervuarin e fshatit Rrotull pasi është future për tu larë. I mbyturi ishte një 47-vjeçar me iniciale M.Sh.

Në datën 7 korrik 2018, një shtetase polake gjeti vdekjen, pasi u mbytur në Srandë ,në vendin e quajtur Kanali i Çukës.

Por, dy ditë më pas, me 09.07.2018 një 67-vjeçar është mbytur në plazhin e Golemit.

Data 13 korrik 2018, shënon një tjetër viktimë, ku një 20-vjeçar ka humbur jetën pasi është mbytur në det. Ngjarja e rëndë ka ndodhur në Currila të Durrësit ndërsa nuk dihen ende shkaqet e ngjarjes së rëndë.

Të nesërmen, me 14 korrik, dallgët morën jetën e dy personave të tjerë. Një pushues është mbytur në plazhin e Porto Romanos në Durrës. Policia dhe ambulanca është njoftuar nga pushuesit pasi kanë konstatuar viktimën që po jepte sinjal nga thellësia. Kanë hyrë vetë pushuesit për ta nxjerrë, por pa mundur që ta shpëtojnë, ndërsa një 72-vjeçar është gjetur i mbytur në plazhin e Currilave.

Në datën 16.07.2018, një shtetas me inicialet M.I është mbytur në afërsi të portit të Shënginit. U raportua se viktima ishte 30-vjeç, banues në Elbasan.