web counter
LEXO PA REKLAMA!

SHKARKO APP

App Store
Google Play

Vettingu në polici/ Paralajmëron PD, Spaho letër Ruçit

22 Korrik 2018, 18:37, Aktualitet CNA

Kryetari i grupit parlamentar të Partisë Demokratike, Edmond Spaho i ka dërguar një letër kryeparlamentarit Ruçi, në lidhje me Vettingun në Polici.

Spaho paralajmëron se Partia Demokratike nuk do të çojë asnjë anëtarë në nënkomisionin parlamentar për mbikëqyrjen e vettingut në polici.

Në letrën që Spaho i ka dërguar Ruçit, thuhet se ky proces është farsë.

Në letër thuhet se ?ligji është një mekanizëm fasadë i Qeverisë që, me propagandë, të mbulojë lidhjet e Qeverisë me krimin e organizuar, të mbajë nën kontroll politik dhe të realizojë spastrime politike në Policinë e Shtetit.?

Argumenti kryesor që zoti Spaho përmend në letër dhë që provon farsën e vettingut ne polici ishte mospranimi nga maxhoranca i propozimit thelbësor të PD, që vettingu në rradhët e Policisë së Shtetit të fillojë nga drejtuesit politikë, duke nisur me Ministrin e Brendshëm.

?Sa kohë procesi i vettingun, drejtohet nga një Ministër i Brendshëm, i lidhur me krimin e organizuar dhe që nuk pranon që vetë të jetë subjeki i procesit të vettingut, opozita e konsideron këtë proces një farsë të papranueshme, ku nuk mund të bëhet pjesë.?- thotë kreu i deputetëve demokratë, Edmond Spaho.

Për PD është e papranueshme që, një punonjës i thjeshtë i Policisë së Shtetit, të konsiderohet me ligj si i papërshtatshëm me detyrën për shkak se një kushëri i tij është i dënuar më parë, ndërkohë që drejtuesi politik, Ministri i Brendshëm, e ka vëllanë të dënuar dhe në burg për trafik ndërkombëtar droge dhe pjesëmarrje në organizatë kriminale.





Lajmet e fundit nga