E fundit!

22:32 Politikë

“Këta janë fytyra e errësirës”/ Rama i kthehet protestuesit: Patriot i shtirur, nuk ke ilaçin magjik për Shqipërinë e re

Kryeministri Edi Rama ka reaguar sërish këtë të premte lid...

Lulzim Basha nën “ethe”/ Zbulohet ultimatumi për kreun e PD-së

15 Korrik 2018, 17:38, Aktualitet CNA

Kreu i Partisë Demokratike, Lulzim Basha po përballet me presion nga aleatët dhe mesa duket reforma zgjedhore do të jetë testi i radhës që kreu i PD do të duhet të kalojë në Shtator. Të prerë në kërkesat e tyre ata thonë se prioriteti i punës së komisionit të reformës zgjedhore duhet të jetë ndryshimi i sistemit elektoral dhe listat e hapura.

?Është e domosdoshme të ndryshohet sistemi, që mund të bëjë përzgjedhje përtej flamurit politk, ose të bëhen lista të hapura, ose një pjesë e zonave të bëhen maxhoritarë, sepse deri më sot shqiptarët votojnë listën që u ofron kryetari?, tha Dashamir Shehi, kreu i LZHK i zgjedhur deputet nga radhët e PD.

Kryetari i PDK, Nard Ndoka, u shpreh: ?Kemi një sistem që zhvlerëson votën e shqiptarëve, është një kod zgjedhor antikushtetues, vota nuk ka peshë. Është imediate që ne të diskutojmë disa variante?, raporton Klan.

Shehi dhe Ndoka i sugjerojnë kreut të demokratëve të heqë dorë nga pazaret me Partinë Socialiste në kurriz të të vegjëlve.

?PD mban të njëjtin mëkat me PS, e kanë njollosur sistemin tonë zgjedhor, por PD duhet të heqë dorë nga monopoli dhe kontrolli i zgjedhjeve me PS. Kjo është domosdoshmëri që PD ta bëjë këtë hap të guximshëm dhe për Bashën është e rëndësishme që edhe vete është ndryshe nga politikanët që kemi parë më parë,? shtoi Ndoka.

Dashamir Shehi theksoi: ?Ky do ishte revolucion i madh, do kthente demokracinë dhe do krijonte piramidën e vlerave, një elitë politke, sepse vota e popullit do tregonte sa vlen ky. Ndërsa sot elitën e partive e bëjnë kryetarët e partive dhe fatkeqësisht janë bërë një grup servilash që produktivitetin e tyre e tregon kjo politikë?.

E në funksion të një procesi zgjedhor që ofron garanci dhe standarte, aleatët e djathtë shohin edhe depolitizimin e komisioneve zgjedhore.

?Për ne është shumë i rëndesishëm edhe drejtimi i zgjedhjeve, jo me militantë partiakë, por me njeë trup zgjedhore të depolitizuar. Ka sot me mijëra njerëz që mund ta kryjnë më mirë se politikanët e partive?, vijoi më tej kreu i PDK.

?Kam 20 vjet që e mbështes këtë ide. Sot me këtë trysni që ka politika, që është futur në xhepat e shqiptarëve, e vetmja mënyrë është që të votojmë elektronikisht, më pas edhe me depolitizim dhe komisione partiake, të rrinë si vëzhgues nga jashtë?, u shpreh deputeti Shehi.

Sakaq edhe ekspertët e zgjedhjeve e shohin të mundur depolitizimin e komisioneve zgjedhore, nëse partitë politike kanë vullnet për ta reflektuar një ndryshim të tillë në kodin e ri zgjedhor. Madje sipas tyre, kjo nismë mund të aplikohet edhe në zgjedhjet e ardhshme lokale.