Kriminelë në radhët e gjyqësorit?/ Artan Hoxha zbulon fakte tronditëse

15 Korrik 2018, 08:47, Aktualitet CNA

Gazetari i investigativ Artan Hoxha në një prononcim për CNA.al (CityNews Albania), teksa ka komentuar rastin e gjyqtarit të Gjykatës së Lartë Admir Thanza, ka zbuluar të dhëna tronditëse për drejtësinë shqiptare.

Hoxha ka thënë se në sistemin gjyqësor shqiptar në mesjanarin e vitit 2016 një gjyqtar ka qëlluar 7-8 herë me thikë kolegun e tij dhe sot ndodhen të dy në sistemin e drejtësisë.

Më tej ai është shprehur se kjo histori u mbyll sikur të mos kishte ndodhur kurrë, ndërsa ka renditur dhe një tjetër rast që sipas tij, drejtësia nuk ka vepruar.

?Nuk u hetua kurrë çfarë ndodhi, pse u plagos ish-anëtari i KLD, kush e plagosi, për çfarë motivi, si u gjetën 20 mije euro në makinën ku udhetonte viktima?, ka thënë Hoxha ndër të tjera.

Sakaq gazetari është shprehur se para këtyre rasteve, ai i gjyqtarit Thanza duket qesharak.

?Nuk duhet të çuditemi kush e ka mbuluar dënimin për Thanzën, kur ish-kryeprokurori që duhej të hetonte për 5 vite, rezultoi pa diplomë të shkollës së mesme nga hetimi i komisioneve të Vetingut. Por ky nuk është rasti më flagrant pasi ka raste edhe më të rënda.

Po përmend vetëm dy episode, a e ka hetuar njeri kur një gjyqtar që ka qenë deri anëtar i KLD u plagos me thikë duke u qëlluar 7-8 herë në trup nga një koleg i tij, aktualisht kryetar gjykate!!!! Madje në media u tha se mafia po sulmonte gjyqtarët kur në të vërtetë dy gjyqtarë me eksperiencë dhe karrierë të gjatë po sulmonin njeri-tjetrin për motive banale. Dhe kjo ngjarje nuk ka ndodhur para 20 apo 15 vitesh, por vetëm në mesjanarin e 2016-ës. Nuk u hetua kurrë çfarë ndodhi, pse u plagos ish-anëtari i KLD, kush e plagosi, për çfarë motivi, si u gjetën 20 mijë euro në makinën ku udhëtonte viktima?!!!

Kjo histori shumë e rëndë dhe njëkohësisht shumë e turpshme u mbyll sikur të mos kishte ndodhur kurrë, dhe të dy protagonistët sot janë brenda sistemit, madje në role të dorës së parë…Nuk e di çfarë po bëjnë komisionet e vetingut, por po e pres me kërshëri këtë ngjarje, pasi asnjë nga të dy gjyqtarët nuk e ka kaluar ende vetingun. Një rast i tillë i ngjashëm ka ndodhur rreth 18-19 vite më parë kur një prokuror i rëndësishëm plagosi me pistoletë një kryetar gjykate të shkallës së parë. Ngjarja nuk u hetua kurrë dhe të dy qëndruan në nivelet më të larta të gjyqësorit dhe prokurorisë shqiptare. Para rasteve që përmenda më sipër episodi i Thanzës duket qesharak?,- u shpreh Hoxha, për CNA.al (CityNews Albania).

Kujtojmë këtu se gjyqtari i Gjykatës së Lartë Admir Thanza, pas verifikimit të formularit të vetëdeklarimit nga Komisioni i Pavarur i Kualifikimit, rezultoi se kishte fshehur një dënim të formës së prerë, marrë në Itali. /CNA.al