web counter
LEXO PA REKLAMA!

SHKARKO APP

App Store
Google Play

Gjoba për celularin në makinë/ Braho: Na mungojnë 84 votat

11 Korrik 2018, 21:00, Aktualitet CNA

Zv Ministri i Brendshëm, Julian Hodaj, ka kërkuar dhjetë fishimin e gjobës për përdorimin e celularit gjatë udhëtimit. Kjo kërkesë u parashtrua gjatë mbledhjes në Komisionin e Sigurisë.

Do të donim që të shqyrtohet dhe një propozim për ashpërsimin e sanksioneve në lidhjen me përdorimin e celularëve gjatë drejtimit të automjeteve. Ky është një problem real dhe goxha i rëndë për momentin. Është burim i madh aksidentesh dhe është shqetësim real?, tha dje Hodaj.

Më tej, drejtori i policisë, Mitat Tola u shpreh se përdorimi i celularëve gjatë udhëtimit është shkaktar për 6 nga 9 aksidente.

Aktualisht, gjoba për përdorimin e celularit shkon nga 1 mijë deri në 1500 lekë të reja, ndërkohë që me propozimin e ri ajo do të shkojë deri në 15 mijë lekë.

Propozimi i zyrtarëve të Ministrisë së Brendshme gjeti mbështetjen e deputetëve të Partisë Socialiste.

I vetmi që i riktheu me ?këmbë në tokë? ishte deputeti i PS-së, Spartak Braho. Sipas tij, Kodi Rrugor kërkon 84 vota, të cilat maxhoranca nuk i ka.

?Jam plotësisht dakord me propozimin që ta votojmë. Kjo dispozitë përfshihet në korpusin që duan 84 vota, që do të thotë që ne kuorum nuk kemi. Që të arrijmë numrin, na duhet kompromis me opozitën, tani po gjykoj personalisht. Kompromis me opozitën nuk ka, ata nuk vinë për Reformën në Drejtësi, jo të votojnë këtë dispozitë. Megjithatë ne t?ia bëjmë hyzmetin, e dashur kryetare?, tha dje Braho. /CNA.al





Lajmet e fundit nga