web counter
LEXO PA REKLAMA!

SHKARKO APP

App Store
Google Play

E fundit!

x

Deklarata bombë e Artan Hoxhës/ “Drejtësia fsheh një mal me skandale”

11 Korrik 2018, 16:31, Aktualitet CNA

Gjyqtari i Gjykatës së Lartë Admir Thanza u përball ditën e djeshme me Komisionin e Pavarur të Kualifikimit.

Pas rishikimit të formularit të vetëdeklarimit, Thanza rezultoi se kishte qenë i dënuar me 40 ditë burg në Itali me vendim të formës së prerë, e padeklaruar kjo në formular.

Pas këtij fakti i cili tronditi jo vetëm drejtësinë, por edhe opinionin publik CNA.al ka kontaktuar me gazetarin e kronikës Artan Hoxha.

Hoxha është shprehur se rasti i Thanzës ishte i pabesueshëm, ndërsa ka paralajmëruar se çudira të tjera priten, pasi gjyqësori dhe drejtësia në përgjithësi është e mbushur me skandale.

?Në rast se sot do merremi vetëm me Thanzën ky do ishte nje gabim, ai është i papërfillshëm përballë malit me skandale që fsheh gjyqësori dhe drejtësia shqiptare. Ajo që ndodhi me rastin Thanza duket e pabesueshme të ketë ndodhur vërtet. Por nuk jam i surprizuar sepse pres çudira më të mëdha gjatë procesit të vetingut. Në media prej vitesh kemi denoncuar raste edhe më të rënda por asgjë nuk ka ndodhur?.

Më tej Hoxha ka thënë se gjyqtarët dhe në postet e tyre nuk janë emëruar në bazë merite, por duke pasur parasysh interesat politike.

?Sepse gjyqtarët deri më sot nuk i ka vendosur meritokracia apo profesionalizmi, por klientelizmi dhe interesat politike. Prandaj ndëshkoheshin vetëm të pafuqishmit, qytetarët e thjeshtë dhe kurrë nuk ndëshkoheshin qeveritarët apo politikanët e korruptuar. Në media kemi denoncuar gjyqtarë që u emëruan të tillë vetëm për ndere apo favore politike, dhe nga statusi i qytetarit të thjeshtë sot janë bërë pronare pallatesh, hotelesh apo resortesh turistike. Sigurisht jo të gjithë janë të tillë, por mes tyre dallohen qartë ata ose ato gjyqtare që ora e dorës apo çanta e krahut u kushton sa kursimet e gjithë jetës”- u shpreh ndër të tjera Artan Hoxha. /CNA.al





Lajmet e fundit nga