web counter
LEXO PA REKLAMA!

SHKARKO APP

App Store
Google Play

E fundit!

x

Ishte arratisur nga burgu/ Ekstradohet 33 vjeçari

7 Korrik 2018, 11:29, Aktualitet CNA

Dy shtetas të dënuar me 20 dhe 7 vite burgim janë ekstraduar ditën e sotme nga Interpol Tirana.

Ekstradimi i tyre u krye nga Greqia drejt vendit tonë për vepra të ndryshme penale.

Shtetasi Eduart Lolo 33 vjeç banues në Përmet është shpallur në kërkim në datë 28.11.2013 nga Gjykata e Rrethit Gjyqësor Korçë, e cila ka caktuar masën e sigurisë “Arrest me burg” për veprat penale ” Largim nga vendi i vuajtjes së dënimit”, “Armëmbajtje pa leje”.

Ky vendim erdhi si pasojë e arrtisjes së tij  më datë 23.11.2013, në bashkëpunim me disa të burgosur të tjerë,  nga burgu i Drenovës ku po vuante dënimin prej 20 vitesh,  për veprat penale ” Vjedhje me pasojë vdekjen” ” Plagosje e lehtë me dashje” dhe ” Armëmbajtje pa leje” .

Ekstradimi tjeter 

Franci Halili , 41 vjeç,  lindur në Sarandë është shpallur në kërkim, bazuar në vendimin penal të datës 15.09.2011 të Gjykatës së Rrethit Gjyqësor Sarandë, e cila e ka dënuar me 7 vite burg për veprën penale ” Prodhim dhe shitje narkotikësh” sipas nenit 283/2 i Kodit Penal.

Ky shtetas në bashkëpunim me një shtetas tjetër, në qytetin e Sarandës  shisnin lëndë narkotike Heroinë, personave të ndryshëm.

Si rezultat i bashkëpunimit të Interpol Tiranës me Interpol Athinën, u bë arrestimi i tij duke u finalizuar me ekstradimin e tij drejt vendit tonë.





Lajmet e fundit nga