E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Djegia e mandateve/ Zbulohet plani i Bashës

7 Korrik 2018, 09:04, Aktualitet CNA

Partia Demokratike ka rrëzuar skenarët për djegie mandatesh. Edhe pse u përfol se Partia Demokratike do të digjte mandatet, kreu demokrat Lulzim Basha i ka hedhur poshtë të gjitha këto aludime.

Në një deklaratë për mediat ditën e djeshme Basha tha se qëllimi i vetëm i opozitës është të përballet me qeverinë.

?Pyetja e dytë është fare e thjeshtë. Me përjashtim të qenieve mbinatyrore, qeniet njerëzore nuk kanë aftësinë të jenë në dy vende në të njëjtën kohë, ne ishim në Parlament. Për pyetjen e parë, ajo që sapo thash është e qartë. Mjetet dhe kalendarin nuk kam ndërmend t?i bëj subjekt të sensacioneve mediatike. ?Të jeni të sigurt se jemi të vendosur t?i ndjekim hap pas hapi të gjitha etapat dhe të gjitha opsionet; ku djegia e mandatave është opsioni më i lehtë, përballja dhe çlirimi i parlamentit, çlirimi i Shqipërisë nga krimi është objektivi ynë dhe ne do ta arrijmë së bashku me të gjithë qytetarët?, tha Basha.

Pas miratimit të projektligjit me 75 vota pro të mazhorancës që i hap rrugë shembjes së Teatrit Kombëtar, opozita ka vënë në zbatim planin ?Meta?, çka nënkupton rikthimin në parlament të projektligjit.

?SOT? ka zbuluar se Basha u ka bërë të ditur deputetëve se nuk do të ketë bojkotim seancash plenare dhe se PD do të vijojë luftën me qeverinë brenda sallës së Parlamentit.

Ndërsa sa i përket çështjes së pjesëmarrjes së Komisioneve Parlamentare, Basha ka deklaruar se bojkoti i tyre do të jetë i pjesshëm.

Ndërkaq, Basha u ka kërkuar deputetëve që të vijojnë me denoncimin e aferave të qeverisë si dhe të mos lejojnë zhvillimin e normal të seancave të komisioneve parlamentare.

Por krahas këtyre informacioneve, Basha i ka porositur deputetët që të vijojnë luftën me mazhorancën në lidhje me projektligjin e teatrit si dhe të kërkojnë largimin e kryeministrit Edi Rama, si dhe të takohen me qytetarët dhe t?i ndërgjegjësojnë ata në mënyrë që të mbështetesin protestat, që opozita dhe shoqëria civile do zhvillojnë për mos shembjen e teatrit.