web counter
LEXO PA REKLAMA!

SHKARKO APP

App Store
Google Play

Çmime katastrofale/ Nis skanimi i kontratës së koncesionarit të Rinasit

7 Korrik 2018, 07:11, Aktualitet CNA

Organet shtetërore do të nisin skanimin dhe kontrollin e detajuar të ecurisë së kontratës së aeroportit të Rinasit ashtu sikurse ishte paralajmëruar.

Këtë gjë e ka konfirmuar ministri i Ekonomisë dhe Financave, Arben Ahmetaj në një bashkëbisedim me gazetarët, ku ndër të tjera ka shpjeguar dhe arsyet se përse çmimi i biletave në Shqipëri është ndër më të shtrenjtët në rajon dhe në Europë.

Ahmetaj ka konfirmuar analizën ekonomike të detyrimeve që ka për të reflektuar në tarifa koncesionari, të publikuar para disa ditësh nga Televizioni Klan, por që u përgënjeshtrua nga koncesionari i Rinasit.

?Besoj që jemi në proces zyrtar të skanimit të balancave apo inbalancave ekonomike në kontratën e konçesionit të Aeroportit Nënë Tereza. Shumë shpejt do të kemi rezultate dhe do t?i ndajmë me publikun. Tashmë me urdhër zyrtar të dy ministrigve ajo e Infrastrukturës dhe Financave ka filluar një skanim i detajuar i kontratës së konçesionit.

Pavarësisht se shqetësimi mbi çmimin e lartë të biletave të transportit ajror është ngritur shpesh, asnjëherë nuk është kryer një analizë e detajuar mbi shkaqet e kësaj situate. Nisur nga kjo situatë, teksa nisi diskutimi mbi Kodin e ri Ajror, kreu i komisionit parlamentar të Veprimtarive Prodhuese, kërkoi nga Autoriteti i Aviacionit Civil të ndërmarrë këtë proces, për të parë më pas mundësitë balancave apo inbalancave ekonomike. Rezultatet do të dalin shumë shpejt?, deklaroi Ahmetaj.

Çmimet e biletave të fluturimeve ajrore në Shqipëri janë më të shtrenjtat në Europë. Edhe pse u tentua të përdoret një politikë lehtësuese për futur linjat Low Cost, sërish qytetarët shqiptarë vijojnë të paguajnë çmime të kripura, madje 2 deri në tre herë më tëq larta se vendet e tjera të rajonit.

 





Lajmet e fundit nga