web counter
LEXO PA REKLAMA!

SHKARKO APP

App Store
Google Play

Moti/ Ja çfarë kanë parashikuar sinoptikanët

7 Korrik 2018, 06:39, Aktualitet CNA

Ky është parashikimi i motit për ditën e sotme, e shtunë 7 korrik 2018.

Sipas Meteoalb fundjava në bregdet mbetet me kthjellime dhe vranësira kalimtare; më të dukshme pasditen e së dielës, kryesisht në veriperëndim.

Zonat e ulëta, por kryesisht ato malore, gjatë të dy pasditeve të fundjavës do të kenë vranësira të shpeshta dhe shira të përkohshëm të cilët pasditen e së shtunës fokusohen kryesisht në Veri ? Verilindje por pasditën e së dielës, zhvendosen kryesisht në Juglindje dhe pjesërisht në zonat Qendrore të Shqipërisë.

Freskimi që do të sjellë fundjava do të bëjë që maksimumi termik në territor të ulet në 32°C, vlera këto tipike të muajit korrik.

Në të njëjtat vlera termike Shqipëria vijon pjesën e parë të javës që vjen, por sërish pas të enjtes pritet rritje e ndjeshme e temperaturave duke kulmuar fundjavën tjetër në vlera maksimale mbi 34°C.

Përsa i përket prezencës së shirave në javën e dytë të korrikut, do të jenë prezente gjatë pasditeve në formën e rrebesheve të shkurtra kryesisht në Veri dhe zonat Lindore, por shumë pak rrezikohen zonat Qendrore ndërsa bregdeti vijon në kushtet e motit kryesisht të kthjellët.





Lajmet e fundit nga