web counter
LEXO PA REKLAMA!

SHKARKO APP

App Store
Google Play

Gjekmarkaj ia thotë copë mikes së tij/ "E rëndë të ta bëjnë me gisht"

7 Korrik 2018, 09:57, Aktualitet CNA

Pas votimit të projektligjit që i hap rrugë shembjes së godinës së Teatrit Kombëtar, ka reaguar profesori dhe analisti i njohur Agron Gjekmarkaj.

Gjekmarkaj ka ?sulmuar? miken, ministren e Kulturës Mirela Kumbaro e cila sipas tij në vend që të mbronte kulturën u bë simbol i tjetërsimit të saj, vetëm për të mbajtur karrigen e pushtetit.

?Kumbaro, ministrja që duhej të mbronte kulturën, u bë simboli më trishtues i tjetërsimit njerëzor e intelektual për një palo karrige. E zhubravitur në krenari, ish- përkthyesja e mirë e gjuhës frënge, ish-kolegia Kumbaro po jeton me gëzim (mbase jo) dekompozimin e fizionomisë së saj intelektuale. Personalisht, e kam tejkaluar pezmin e akteve të saj publike pa koherencë e plot telendisje. Madje, më dhimbset. Askujt si asaj s?i ka rënë kaq fat dreqi. Të kujtohet si shkatërruesja e Teatrit Kombëtar, betonuesja e Butrintit dhe rrënojave të Durrësit për një palo velierë, një përbindësh betoni!?,- shkruan Gjekmarkaj.

Më tej ai pohon se është e vështirë të jesh Ministër në Shqipëri dhe aq më tepër të ta bëjnë me gisht, sikurse është rasti i Kumbaros.

?Cila është ajo forcë e epërme, që e bën të akullt në shikim dhe të paepur në mbrojtje të këtij projekti mafioz?! Duhet të jetë një arsye madhore! Përsëri më dhimbset. Gjumin, ish- mikja s?duhet ta bëjë të mirë. Duket e hequr dhe e pikëlluar në fizionomi. Më trishton Mirela si individ, po mbi të gjitha metamorfoza e personit. Qenka e tmerrshme të jesh ministër në Shqipëri. Kosto e lartë. Zgjedhje kurajoze. E rëndë të ta bëjnë me gisht dhe të të përbuzë komuniteti që administron!?- thotë Gjekmarkaj. /CNA.al





Lajmet e fundit nga