E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

"Barkderrët" e sindikatave

4 Korrik 2018, 19:28, Aktualitet CNA

Dje, CNA.al publikoi një skandal të rradhës nëpërmjet të cilit dilte fare qartë fytyra e sindikalizmit shqiptar, drejtuesit e të cilit i ushtrojnë funksionet e tyre për interesa personale dhe jo për të mbrojtur e punonjësve që pretendojnë se mbrojnë.

Publikimi i CNA.al, kishte të bënte me një denoncim të ardhur në redaksi nga disa drejtues shkollash ku ndër të tjera thuhej se: drejtoresha e arsimit rajonal Tiranë, Arjola Byzyka, kishte nxjerrë një urdhër të paligjshëm për lejet e zakonshme që drejtuesit e shkollave do të duhet ti bëjnë nga data 16.07.2018 deri me datë 17.08.2018, pra gjithësej 30 ditë.

?Ky është një urdhër i jashtëligjshëm, pasi koha e pushimit nuk mund të jetë më pak se 45 ditë kalendarike dhe nuk mund të ndërpritet më shumë se një herë?, shënonin denoncuesit, të cilët me këtë veprim janë në të drejtën e tyre ligjore. Dhe duke qenë kështu duhej që të përkraheshin unanimisht nga të gjitha strukturat sindikaliste që pretendojnë mbrojtjen e të drejtave të arsimtarëve. Mirëpo a ndodhi kjo?

Në reagimin e saj lidhur me këtë denoncim Konfederata e Sindikatave të Shqipërisë, në një prononcim ekskluziv për CNA.al, bëri me dije se urdhëri i drejtores Byzyka qe ne fillim të tij, i rreferohet Nenit 2 dhe jo atij 92 të Kodit të Punes (per pushimet vjetore), që është neni përkatës. Ai pra, urdhëri, i referohet një kontrate kolektiv të nënshkruar në mënyrë antiligjore më datë 05.06.2018, kontratë e cila është në proçes gjyqësor dhe bazohet në një kontratë paraardhese te shfuqizuar si absolutisht te pavlefshme nga Gjykata Administrative Tirane.

?Urdhëri është pazari i rradhës i drejtuesve të Ministrisë së Arsimit apo DAR Tiranë me dy sindikatat, FSASH/SPASH nenshkruese te kontrates kolektive, që kanë nënshkruar abuzivisht Kontratën Kolektive?, deklaruan përfaqësuesit e Konfederatës së Sindikatave, duke dhenë dhe skemën e aplikuar për të realizuar abuzimin me ligjin edhe nga ana e sindikatëve, që në vend të jenë palë me arsimtarët, veprojnë si bisht i strukturave shtetërore. Rol që e luajnë jo vetëm dy sindikatat e arsimit të denoncuara nga Konfederata, por pothuajse e gjithë struktura e asaj që vetëvlerësohet si strukturë sindikaliste dhe që për këtë rol merr hisen e vet përfituese.

Për tu bindur për këtë do të mjaftonte një vizitë në godinën qendrore brenda të cilës kanë selitë e tyre disa prej organizatave sindikaliste, që edhe në ditën botërore të 1 majit vijojmë ti shohim duke festuar dhe jo duke protestuar.

Këtë godinë, pas një restaurimi model, ia ka falur shteti dhe do të mjaftonte ky fakt dhe qënia e drejtuesve të sindikalizmit burra barkderra për të konstuar se në favor të kujt e hedhin vallen sindikatat, që nuk e kanë për gjë të luajnë në rrugë të kamufluar, ne kundershtim me interesat e arsimtarëve e kategorive të tjera sociale që pretendojnë se mbrojnë. /CNA.al