"Vettingu i Partisë"/ Bushati sulmon Bashën për Llallën dhe Markun

4 Korrik 2018, 17:11, Aktualitet CNA

Anëtarja e Këshillit Kombëtar të Partisë Demokratike, Endira Bushati, ka sulmuar sërish Lulzim Bashën dhe deputetët e tij, pasi sipas saj po bëjnë opozitë, por një opozitë me dy fytyra. Sipas saj, opozita flet për Arta Markiun dhe “Vettingun Partiak”, por nuk flet për Adriatik Llallën, duke qenë kështu selektive dhe me dy standarde.

“Opozitë???

Po….por për emra të veçantë….

Dëgjova dje dhe sot, eksponentë të PDsë që folën për ?Vettingun e Partisë? për Arta Markun….

Nuk besoj se në këtë republikë gjendej ndokush që priste se Arta Marku nuk do ta kalonte vettingun…

E zgjedhur antikushtetueshmërisht, pa probleme pasurie dhe sigurisht me bekimin e Ramës, Marku, vettingun e kishte formalitet….”, – shkruan Bushati.

Sipas saj, “Kjo është arsyeja që deklaratat e PDsë në këtë drejtim, as nuk përbëjnë lajm, jo më të besohen nga publiku…

Se…publiku p.sh. e ka akoma të freskët lajmin që Adriatik Llalla i shpëtoi vettingut….

Po për këtë PD heshti….(edhe LSI, madje dhe PS…)

?Po në këtë rast a ishte ?vetingu i partisë??? – duhet pyetur andej nga PD dhe LSI….”

Më tej Bushati shprehet se, “Rrethi juridik në Tiranë diskuton çdo ditë mbi vettingun: mungesë standardesh, proces i parregullt ligjor, PS në veprim për kapjen e sistemit etj etj…

Dje, një koleg më tregonte këtë rast:
Një subjekti të vettingut i ishin faktuar 85 dalje nga Rinasi në 4 vjet. Një dalje llogaritej 3-4 ditë qëndrim. Për çdo ditë, organet e vettingut konsiderojnë shpenzim të pranueshëm 50 euro.

Llogaritë bëjini vetë….

Ky subjekt e kaloi vettingun…ndërsa një subjekt tjetër për një makinë, jo….”

Për Bushatin, “PD nuk e ?merr mundimin? të informojë publikun për standardet e dyfishta, trefishta e katërfishta që aplikojnë organet e vettingut….

Jooo….kurrsesi jo!

Procesi nuk ka rëndësi, emra të përveçëm po!

Nga kjo mungesë koherence, parimesh e vizionesh, buron mosbesimi i gjerë ndaj PDsë…”

Në përmbyllje të reagimit të saj, Bushati shkruan se Basha flet për oligarkë por për atë që nuk intereson.

“U mësuan shqiptarët me Lul Bashën:

Flet për media të kapura, por mazallah se përmend Sandër e Vjollcë…

Kalon nga Babalja, tek Toyota, pastaj tek Teatri, harron Babalen, kalon tek shoferi i Xhafajt, derisa të harrohet foto e vëllait të ?Toyotës? në zyrën e Bashës, pastaj braktis Toyotën, e dashuron Salvinin…e kështu ditët pasojnë njëra-tjetrën…

Asnjë kauzë e çuar deri në fund…

Deklarata për shtyp, dalje tek oborri, klithma e ulërima në komisione….

Publiku nuk merr vesh gjë….

Ndërkohë, Edi Rama, po shtrin tentakulat në sistemin e drejtësisë dhe çdo qelizë të shoqërisë…” /CNA.al