web counter
LEXO PA REKLAMA!

SHKARKO APP

App Store
Google Play

E fundit!

x

Basha është vërtet "teatër"

4 Korrik 2018, 18:27, Aktualitet CNA

Lulzim Basha sot iu bashkua protestës së artistëve, të cilët prej ditësh kundërshtojnë prishjen e godinës së Teatrit Kombëtar dhe marrjen e pronës së teatrit nga privati, i cili do të ndërtojë godinën e re.

Por ajo që nuk u kap nga asnjë medie është të qenit e Lulzim Bashës vërtet “teatër”.

Luli vërtet sot doli në mbështetje të artistëve dhe Teatrit Kombëtar, madje në dorë mbante një slogan “Unë jam teatër”, e për këtë ndoshta për herë të parë publikisht tha një të vërtetë. Ai është vërtet “teatër”.

Shefi i “Republikës së re” vërtetë është teatër, ai është Basha i marrëveshjes me Edi Ramën, ndërsa për 3 muaj në çadër u shpreh se nuk kishte zgjedhje me të Kryeministrë. Është i njëtji Lulzim Bashë, që harroi çadrën, sapo u ul në tryezë kokë më kokë me Edi Ramën.

Basha është vërtet teatër, pasi është i njëjti person që u mundua të kalonte në heshtje video-skandalin erotik “Salianji-G.D” të publikuar nga CNA.al.

Është Basha i audio-përgjimit “Xhafaj”, çështje kjo e bërë publike nga PD, por që është lënë në harresë. U harrua se ai është shkaktari i shkatërrimit të strukturave të PD. U harrua se ai nuk ka bërë ende zgjedhjen në parti, ndodnëse afatet për mbajtjen e tyre kanë kaluar.

Po vërtet Basha është teatër dhe nuk ka thënë asgjë, por të paktën për herë të parë në jetën e tij nuk gënjeu, por u tregua i sinqertë.

Faleminderit Luli që na the të vërtetën. /CNA.al





Lajmet e fundit nga