web counter
LEXO PA REKLAMA!

SHKARKO APP

App Store
Google Play

E fundit!

x

Kulluri sulmon deputetët e "Listës Basha": Manekinë që bllokojnë foltoren e Parlamentit

4 Korrik 2018, 17:46, Aktualitet CNA

Anëtari i Këshillit Kombëtar të Partisë Demokratike, Edvin Kulluari, ka dhënë një intervistë ekskluzive për agjencinë e lajmeve CityNews Albana (CNA.al), ku ndër të tjera tregoi se përse kanë dështuar zgjedhjet në PD.

Ai u shpreh se fajtor për këtë është vetë kryetari Lulzim Basha, pasi urdhri i dalë prej tij për mbajtjen e zgjedhjeve nuk është zbatuar as edhe nga vetë ai. Kulluri e cilësoi Bashën si “gjenerali i ushtrisë” së vdekur, e kësisoj nuk ka kë të urdhërojë.

“Së pari, situata është qesharake, sepse këtë urdhër vetë zoti Basha nuk e ka zbatuar, duke mos formuar grupet e punës siç e kërkon urdhëri apo edhe Statuti. Së dyti, Basha është “gjeneral i ushtrisë së vdekur”, dhe “gjenerali i ushtrisë së vdekur” nuk ka kë urdhëron, prandaj nuk zbatohet urdhëri”, – tha Kulluri.

I pyetur nëse kjo do të thotë se deputetët e dalë nga lista e tij nuk i binden urdhërave të Bashës, ai tha se 70% e deputetëve nuk përfaqësojnë demokratët. Sipas tij, “ai grup deputetësh, po përdoret si manekinë që bllokojnë foltoren e Parlamentit”.

“Së pari, ata deputetë në masën 70% nuk përfaqësojnë vullnetin e demokratëve në Parlament, ndaj janë votuar aq pak në zgjedhjet e fundit, ose prandaj nuk u votuan masivisht nga demokratët.

Së dyti, deptuetët e PD në Parlament, nuk po ushtrojnë funksionin e tyre bazik, që është debati, konkurrenca, kontrolli parlamentar mbi qeverinë dhe komunikimi me qytetarët dhe demokratët. Këto janë dhe detyrat kryesore që ka një deputet, për të përfaqësuar interesin publik. Ai grup deputetësh, po përdoret si manekinë që bllokojnë foltoren e Parlamentit”, – tha Kulluri për CNA.

Kujtojmë se Edvin Kulluri është një nga kritikët më aktiv kundër Lulzim Bashës dhe lidershipit të tij që bërë si PD të shënonte një humbje katastrofale në zgjedhjet e 25 qershorit. /CNA.al





Lajmet e fundit nga