E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bashkia vjedh qytetarët dhe shfaros qentë/ STOP: Denoncon krimin e Veliajt

4 Korrik 2018, 18:53, Aktualitet CNA

Pas denoncimeve të publikuara nga CNA.al, lidhur me faktet sesi vidhen paratë e qytetarëve ndërsa qentë vriten, ka reaguar edhe emisioni investigativ “STOP”, që ka dalë në mbështetje të qenve që shfarosen nga Veliaj, kur për ta paguhet për vaksinim, sterilizim e matrikulim.

Faktet e publikuara nga CNA.al lidhur me vjedhjet që bëhen nga Bashkia e Tiranës me tenderat, sot janë publikuar edhe nga emisionin investigativ “STOP”.

Drejtuesi i emisionin “STOP”, Saimir Kodra, teksa falënderoi shoqatat që mbrojnë qentë endacakë, nuk la pa përmendur dhe falënderuar edhe City News Albania (CNA.al) për faktet e vëna në dispozicion.

FAKTET

Në vitin 2016, Bashkia Tiranë, në muajin Maj shpall tenderin për ?Blerjen e mjeteve dhe medikamenteve mjekësore veterinare? në vlerën 95 milionë lekë me TVSH. Kjo shumë kontraktohet në 14 tetor nga Bashkia Tiranë. Pra për dy muaj e gjysmë Bashkia sipas specifikimeve duhet të sterilizonte dhe mjekonte të paktën 2500 qenë endacakë, sipas përcaktimeve të prokurimit dhe tabelës të mëposhtme.

Me shumën e prokuruar nga Bashkia Tiranë për dy muaj e gjysmë duhet të sterilizoheshin 2500 qenë endacakë, vlera për sterilizimin e një qeni shkon 39 mijë lekë, dhe duhen të paktën 48 qenë në ditë, çka fizikisht është e pamundur jo vetëm për kapacitetet që ka Bashkia e Tiranës, por edhe si mundësi për kapjen e tyre dhe grumbullimin në Klinikën Veterinare.
Pra tenderi më shumë se një investim serioz për të zgjidhur problematikën e qenve endacakë ka qenë një vjedhje e pastër dhe e strukturuar nga Bashkia Tiranë.

Në vitin 2017 shuma shkon në 208 milionë lekë, për sterilizimin e 4000 mijë qenve, vlera e një sterilizimin shkon në 52 mijë lekë. Në fakt vlera reale është disa herë më e ulet, gjë të cilën CNA.al do e vërtetojë me dokumente dhe fatura konkrete.

Çfarë ka ndodhur që sterilizimi u shtua si kosto me të paktën 30%?!

Në vitin 2018, përsëritet afërsisht shuma e 2017, pra 210 milionë lekë sërish për 4000 mijë qenë, por këtu mungon në listë medikamenti e eutanazisë që përdoret për vrasjen e qenve. Në vitin 2017 dhe 2018 ky medikament ishte ne sasi për të vrarë të paktën 3000 qenë.
Brenda këtyre tendave dhe specifikimeve gjen shumë detaje, si p.sh kërkohet sterilizimi për 4000 qen, blihen anestezi për 27 mijë qenë, blihet eutanazi për 2500 qenë, ndërkohë blihen 8 mijë vaksina dhe të gjitha këto kanë vetëm 550 shiringa.

CNA.al ka thelluar hetimet mbi këtë skandal ku në Bashkinë e Tiranës vidhën miliona lekë me tendera duke u justifikuar me qentë endacakë, të cilët në fakt vriten dhe hidhen në varrezat e Sharrës. /CNA.al

Dokumentet e tenderave:

Bashkia shfaros qentë endacakë/ “STOP” transmeton pamjet e CNA.al