web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për negociatat/ Tomor Alizoti ngre alarmin

27 Qershor 2018, 14:50, Aktualitet CNA

Pas vendimit të dhënë nga ministrat e Jashtëm të BE, për negociatatat, ka reaguar dhe ish-drejtuesi i Departamentit për të Përndjekurit në PD, Tomor Alizoti.

Në një postim në rrjetet sociale, Alizoti shkruan se vendimi i dhënë ditën e djeshme ishte një ?JO? për Shqipërinë, ndërsa ka theksuar se situata është shumë më e rënduar se ç?ka qenë.

Alizoti nuk ka lënë pa sulmuar dhe kryeministri Edi Rama, ndërsa ka thënë se për këtë vendim nuk e ka fajin Holanda apo Franca, por vetë ne.

Alizoti ka dhënë alarmin se me këtë paaftësi që po qeveris kryeministri Rama, as Afrika nuk na hap negociata dhe jo më Europa.

Postimi i plotë:

Ku mund të shkojë pafytyrësia e një njeriu që pretendon të jetë kryeministër i Shqiptarëve?

Shqipëria mori një ?jo? të qartë në Bruksel, ndërsa Edi Rama e paraqet si një fitore duke pretenduar se fituam një datë të re! Si mund të tallet kaq keq me veten një kryeministër? Kaq budalla e di këtë popull ky? Fundja edhe palaçollëku e ka një kufi dhe nuk mund të bëhesh qesharak deri në këtë pikë!

Natyrisht, kur ngelesh në provim, nuk ke humbur krejt shkollën dhe është gjëja më normale të fiksohet një datë e re kur mund ta japësh provimin që humbe. Ta interpretosh këtë si fitore është thjesht dhe vetëm qesharake deri në keqardhje. Qeveria e humbi ngociatat, ndonëse deri para pak ditëve vinte bast se ato do të hapeshin. Të pretendosh tani se, basti u fitua, është aq absurd sa bëhet indinjues. Bëhet indinjues për nivelin e paturpësisë me të cilën një kryeministër bën rolin e dobiçit, duke pretenduar për t?ia hedhur sy për sy popullit të vet.

Natyrisht, të gjithë ata që i kanë pasur mendtë në krye këto ditë, e kanë ditur që negociatat nuk do hapeshin. Nuk kanë sesi hapen negociatat për një vend që është bërë stacion terminal i krimit të organizuar dhe trafiqeve ndërkombëtare, për një vend që mbillet me drogë, ku ministrat e rendit janë në hetim për trafiqe, ku shteti dhe institucionet janë të kapura nga kryeministri, ku nuk ka media të lira pasi të gjitha shtënë në dorë me pazare e presione nga qeveria, ku sundojnë monopolet dhe ligji shkelet e përdhoset më shumë nga ata që kanë për detyrë ta mbrojnë.

Europa i di të gjitha këto ndaj nuk ka sesi të gënjejë veten dhe të hapë negociatat, pavarësisht se mundohet ta zbusë gjuhën me qeverinë shqiptare, duke ruajtur politikën e saj të dyerve të hapura. Nuk është thjesht Holanda dhe Franca që pengojnë Shqipërinë për shakak të problemeve të tyre të brendshme. Ky është vullnet i përgjithshëm që nuk pohohet nga të gjithë për arsye politike. Po të mos ishte Holanda, do të dilte një vend tjetër ta bënte këtë dhe Shqipëria përsëri nuk do kish hyrë.

Jo vetëm që negociatat nuk u hapën, por u shtuan edhe disa kushte që janë për të vënë kujën si, lufta ndaj krimit. Të arrish deri këtu sa, pas 27 viteve proces integrimi, të marrësh si kusht luftën kundër krimit për të hyrë në Europë, kjo është për të ardhur keq. Kjo tregon se në çfarë gjendje e ka katandisur Edi Rama këtë vend.

Negociatat nuk u hapën, jo për faj të Holandës, e as të Francës, por për fajin tonë. Negociatat nuk u hapën sepse jemi një vend në këtë nivel, sa kryeministri nuk e ka për turp ta trumpetojë si fitore dështimin në provim. Me këtë politikë, me këtë paaftësi, me këtë palaçollëk që drejtohet ky vend, nuk na i hap dyert as Afrika, jo Europa. /CNA.al





Lajmet e fundit nga