web counter
LEXO PA REKLAMA!

SHKARKO APP

App Store
Google Play

Investigimi i gazetarëve anglezë/ Tre ditë për të marrë një pasaportë europiane false në Shqipëri

27 Qershor 2018, 11:02, Aktualitet CNA

Në një artikull të botuar në prestigjozen ?Daily Mail?, gazetarët anglezë kanë zbuluar skemën e falsifikimit të dokumentave të identifikimit në Shqipëri.

Në investigimin e gazetarëve anglezë thuhet se ?Duhen vetëm tre ditë nga dhënia e porosisë për të marrë një dokument të falsifikuar në Tiranë?.

Gazetarët e ?Daily Mail? kanë udhëtuar në Shqipëri dhe kanë regjistruar të gjithë pazarin me një falsifikator shqiptar, i cili për 1000 euro prodhonte pasaporta italiane, të cilat siç thuhet në artikull përdoren për të hyrë ilegalisht në Angli.

Gazetarët e ?Daily Mail?, shkruajnë se ?i dhamë falsifikatorit shqiptar fotot, por pasaporta e blerë mbante emrin e vërtetë të një shtetaseje italiane me vendlindje Monzën, të dhëna të cilat ishin marrë nga regjistri Italian i qytetarëve.? Po ashtu ata theksojnë se kishin mundur ta merrnin pasaportën e falsifikuar pas 72 orësh nga momenti i dorëzimit të fotove.

Gazetarët nuk u ndalën me kaq. Ata kanë mundur të zbulojnë se si ?profesionistët? shqiptarë japin edhe karta shëndeti të falsifikuara.

Ata mundën të sigurojnë nga falsifikatori shqiptar, edhe një kartë shëndeti me emrin ?Tessera Sanitaria?, me të cilën gjithkush fare mirë në Angli mund të hapë një llogari bankare apo të marrë shërbime shëndetësore nëse do të paraqitej në Angli.

Daily Mail thekson se të tilla dokumente kanë bërë të mundur futjen ilegale në Angli të mijëra shtetasve shqiptarë.

 





Lajmet e fundit nga