web counter
LEXO PA REKLAMA!

SHKARKO APP

App Store
Google Play

E fundit!

x

"Garant i 5 miliardë lekëve"/ Balla "kërcënon" Lulzim Bashën

25 Qershor 2018, 19:13, Aktualitet CNA

Kryetari i grupit parlamentar të Partisë Socialiste Taulant Balla, në një intervistë për emisionin “5 pyetje nga Babaramo”, i ka kthyer sërish përgjigje kryedemokratit Basha i cili e akuzoi si garantin e parave të sekuestruara në Durrës.

Ai u shpreh se nuk ka lidhje me këtë ngjarje ndërsa paralajmëroi se do të kallëzojë penalisht Lulzim Bashën për shpifje.

“Nuk kam asnjë lidhje me paratë e sekuestruar. Do të kallëzoj penalisht shpifësin e Partisë Demokratike. Deri në fund të hetimit do të dalë e vërteta se kush fshihet pas kësaj ngjarjeje”, – tha Balla.

Më tej duke komentuar operacionin e policisë, tha: “Unë mendoj se ky ka qenë një aksion i mirë përgatitur i Policia së Shtetit, Prokurorisë përfshirë dhe partnerët”.

Në vijim të përgjigjes së tij lidhur me këtë çështje, Balla u shpreh se, “Fatkeqësisht në institucionet shtetërore ka ende persona nga të cilët rrjedh informacione, që Lulzim Basha të bëjë lajm. E deklaroj me përgjegjshmëri të plotë, se është e turpshme që PD ka një gënjeshtar të tillë që hedh gënjeshtra ndaj kujtdo”.

Balla ka shkuar më tej ku e ka paralajmëruar Bashën, ndërsa tha: “Me mua të matet mirë. Që Lulzim Bashën do ta padis penalisht kjo nuk do fjalë. Gjatë të gjithë karrierës time unë nuk kam asnjë njollë, ndërsa Lulzim Basha është i ndotur i tëri”. /CNA.al





Lajmet e fundit nga