E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Miliona euro të sekuestruara/ Lubonja: Kam frikë se ...

25 Qershor 2018, 16:08, Aktualitet CNA

Analisti Fatos Lubonja në një lidhje me “Skype” për rubrikën “Opinion” të televizionit News 24, teksa ka komentuar aktualitetin në vend, është ndalur edhe tek ngarkesa me “Toyota Yaris” në të cilat u sekuestruan edhe rreth 3.4 milionë euro.

Sipas Lubonjës nuk ka mundësi që shteti të mos ketë qenë në dijeni për këtë ndërsa sipas tij në vendin tonë po lulëzon ekonomia kriminale, ndërsa i bëri thirrje PD-së që të japë prova të sakta lidhur me ngjarjen, pasi në të kundërt deklaratat e saj do të mbeteshin thjeshtë politike.

?Kam frikë se kemi të bëjnë me shtetin vetë më duket mua, në shpeshtësinë e këtyre ngjarjeve dhe këtyre skandaleve, pra më shumë mund të thuhet që kemi një mafie që ka shtetit e vet në këtë rast. Këto banda janë mënyra jonë e mbijetesë, këto banda kriminale, këto para që kanë ardhur me këtë makinë, padyshim janë para droge dhe i kanë pasur një lloj rrugë të garantuar, që fillon që tek polica e me radhë.

Basha e ka ditur këtë vjen për shkak se këto vijnë nga shërbime të jashtë, dhe kjo ndoshta ka bërë që ata t?i japin ndonjë informacion Bashës, po nëse Basha e bëri mirë e bëri kështu apo jo kjo është çështje tjetër. PD duhet ta japë provën të saktë përndryshe mbetet që bëhet për qëllime politike. Unë mendoj se për qëllime politike bëhet.

Si nuk dika një kryetar Bashkie se nga vijnë këto para. Si nuk e dikan nga u bëka gjithë kjo ekonomi kriminale, si u ngrikan këto kulla. Këtu nuk ka dëshirë për ta zbuluar këtë, prandaj ka një bashkëjetesë me krimin. Këtu mafia ka shtetin e vet. Erdhi nga Kolumbia më përpara 600 e ca kg kokainë, atij tjetrit i fluturojnë nga makina 800 mijë euro, tani del e kjo. Ne jetojmë si peshqit në këtë ekonomi kriminale. Këtu ato peshqit e mëdhenj e mbajnë këtë ujë të pisët se vetëm ashtu mund të mbijetojnë. Prokuroria duhet të hapë hetim menjëherë. Këtu shoh që nuk ka dëshirë as për bashkëpunim,? tha Lubonja. /CNA.al