E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

EULEX dorëzohet tek institucionet vendore të Kosovës

25 Qershor 2018, 16:28, Aktualitet CNA

Misioni i Bashkimit Evropian për Sundim të Ligjit “EULEX” ka filluar me transferimin e lëndëve tek autoritetet vendore të Kosovës.

Kalimi i të gjitha kompetencave nga EULEX-i tek autoritetet vendore, sipas përfaqësuesve të Prokurorisë së Kosovës, nuk përbën një sfidë, nga se, sipas tyre, këto institucione tashmë janë të pjekur të funksionojnë të pavarura dhe pa ndërhyrje e ndikime politike.

Kryeprokurori i Prokurorisë Themelore të Prizrenit, Sylë Hoxha, i ngarkuar për komunikim me media nga Prokuroria Speciale e Kosovës, thotë se tashmë prokuroritë kanë nisur të pranojnë të gjitha lëndët nga EULEX-i.

Nga fillimi i muajit korrik i këtij viti, prokuroritë do të nisin me shqyrtimin e lëndëve të cilat kalohen nga EULEX-i. Kryeprokurori i Hoxha thotë se që në fillim është vërejtur një mangësi.

Sipas tij, prokurorët kosovarë kanë përvojë edhe me lëndë që cilësohen si të ndjeshme, ku përfshihen ato të krimeve të luftës dhe korrupsionit të nivelit të lartë.

Ai tha, po ashtu, se prokurorët nga Kosova janë të aftë të punojnë pa iu nënshtruar ndikimeve politike, duke përmendur edhe rastet nga e kaluara kur ishin ngritur aktakuza ndaj zyrtarëve të lartë, përfshirë edhe ministra e ish-ministra.

Nga 1 korriku, kur misioni i EULEX-it pritet të kalojë në mision këshillëdhënës, kurse institucionet e ndjekjes penale vendore të pajisen me përgjegjësi shtesë, njohësit e sistemi të drejtësisë në Kosovë thonë se ky proces mund të jetë plotë sfida.

Kjo për faktin se, sipas tij, deri më tash është dëshmuar në një numër të madh të rasteve të korrupsionit të nivelit të lartë, se nuk kanë qenë në gjendje t?i trajtojnë në mënyrë të pavarur dhe të paanshme. Siç thotë ai, kjo do të jetë sfidë e madhe në të ardhmen për institucionet.

Rreth 400 gjyqtarë dhe 197 prokurorë, aktualisht, janë të angazhuar në sistemin e drejtësisë në Kosovë. Megjithatë, një numër i madh i lëndëve vazhdojnë të mbesin të pazgjidhura nëpër gjykata, raporton “Zeri.Info”.