E fundit!

19:42 Aktualitet

Drogë në burgun e Veliajt

Këtë të enjte, në një nga qelitë e burgut të Durrësit, ësh...

CNA i përgjigjet Haxhinastos/ Pse kemi qenë shumë profesionistë me ty

25 Qershor 2018, 18:10, Aktualitet CNA

Agjencia e lajmeve CNA.al ( CityNews Albania), ka kërkuar një intervistë nga ish-Ministri i Trasnporteve, njëherësh deputetin e LSI ?së, Edmond Haxhinasto, mbi situatën politike në vend, ashtu siç veprojmë me çdo politikan apo zyrtar tjetër shtetëror.

Por, Haxhinasto është përgjigjur duke na quajtur joprofesionistë dhe manipulativë.

CNA.al i përgjigjet me fakte, Haxhinastos se nuk kemi qenë kurrë manipulativë dhe joprofesionistë, por kemi thënë të vërtetat që askush nuk ia ka thënë atij.

Kemi raportuar se ka qenë ministër që ka zhvilluar tender për qindra ton naftë bruto, para për të cilat Haxhinasto mban përgjegjësi pasi ka qenë Ministër i Ekonomisë.

Kemi raportuar skandalet e Ministrisë së Punëve Publike dhe Telekomunikacionit, gjatë kohës kur ai ka qenë ministër, kur në Shqipëri nuk është shtruar asnjë centimetër rrugë.

I kemi thënë Haxhinastos ato të vërteta, që s?ia kë thënë askush. Edhe të vërtetat për tenderin e koncesionit në Rrugën e Kombit. I kemi thënë çdo të vërtetë në lidhje me LSI?në. Aferat dhe pazaret me Edi Ramën, marrëdhëniet me Monika Kryemadhin, lojën e tij politike, sjelljen e tij parlamentare, kur LSI largohet nga parlamenti dhe ai qëndron.

Nuk i kemi bërë asgjë Edmond Haxhinastos ish-profesorit, të fakultetit Histori-Filologji, që papritur me disa vite ministër është bërë miliarder.

Përkundrazi kemi thënë të vërteta, nuk e kemi akuzuar kurrë Haxhinaston, se i kanë vjedhur shtëpinë dhe një kasafortë me miliona euro.

Ne s?kemi thënë këtë kurrë, jo se nuk kemi dashur ta besojmë, por sepse nuk e kemi konfirmuar. Ashtu sikundër nuk i kemi thënë kurrë se Haxhinasto është një pazarxhi dhe batakçi, por kemi thënë që është një politikan i korruptuar, për një arsye shumë të thjeshtë.

Nga një profesor universiteti është kthyer në një njeri shumë të pasur. Më tej CNA.al nesër do të sjellë një tjetër skandal për ministrin e Ramës dhe ish-ministrin e Qeverisë Berisha.

Por, deri në konfirmimin e të gjitha të dhënave dhe detajeve, ne kërkuam që të merrnin informacion politikisht për ish-ministrin, por ai refuzoi, na quajti manipulativë me pretendimin se i kemi thënë të pavërteta.

E vërteta është një dhe vetëm një, i pëlqen apo jo ish-profesorit të Universitetit Filologjik, që në pak kohë është kthyer në miliarder. Të tjerat do t?i vazhdojmë nesër. /CNA.al