E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kryemadhi “kyç” gojën/ Çfarë e lidh kryetaren e LSI me ministrin Xhafaj?

23 Qershor 2018, 15:44, Aktualitet CNA

Prej disa kohësh kryefjalë e akuzave të Partisë Demokratike në drejtim të qeverisë, është ministri i Brendshëm, Fatmir Xhafaj.

PD publikoi denoncime të njëpasnjëshme në adresë të ministrit Xhafaj, duke kërkuar edhe largimin e tij nga detyra. Kjo pasi u zbulua me dokumente se Agron Xhafaj, vëllai i ministrit të Brendshëm, ishte dënuar në Itali për trafik ndërkombëtar droge.

Por, ky aksion i PD shënoi edhe përçarje në koalicionin opozitar, pasi LSI u distancua nga këto denoncime.

Kryetarja e LSI, Monika Kryemadhi e cila është gjithmonë tepër aktive në daljet mediatike dhe në akuzat kundër qeverisë, kësaj radhe ?kyçi? gojën.

Monika Kryemadhi e cila kur doli çështja e ish-ministrit të Brendshëm, Saimir Tahiri, kërkoi me ngulm ?kryqëzimin? e tij, në lidhje me akuzat ndaj ministrit Xhafaj ka heshtur.

Madje edhe nënkryetari i LSI, Luan Rama në një studio televizive pak kohë më parë pati deklaruar se ?ky është një aksion i Partisë Demokratike?.

Por, distancimi i LSI nga kjo çështje ngre një pyetje. Brenda PS ka përcarje, dhe Kryemadhi qëndron në krah të Xhafajt?

Risjellim në vëmendje edhe një dalje për mediat të zonjës Kryemadhi, e cila pak kohë më parë tha se ?audio-përgjimin PD-së ja dha vetë Rama?.

Në një deklarët për mediat jashtë sallës së parlamentit me datë 17 maj, në lidhje me dosjen Xhafaj, Kryemadhi tha se ?Mbrojtja që Rama i bëri ministrit të Brendshëm nuk ka të bëjë me Ministrin e Brendshëm sepse ishte ai që i nguli thikën pas shpine Fatmir Xhafës, dhe sot i thotë po të mbaj.?

Edhe në protestën që organizoi opozita, për largimin e ministrit Xhafaj, LSI pati një pjesëmarrje minimale dhe kryetarja e saj nuk pati asnjë prononcim për mediat dhe as nuk mbajti fjalën para protestuesve.

Kryemadhi edhe në një intervistë për Top Channel pak kohë më parë është shprehur se ?Xhafaj nuk ka pse të mbajë përgjegjësi për veprimet që bën vëllai i tij?.

Ndërkohë, kujtojmë edhe një tjetër dalje mediatike të Kryemadhit, ku u shënua një përplasje me kreun e grupit parlamentar të PS, Taulant Balla, i cili në qarqet mediatike flitej se do të zëvëndësonte Fatmir Xhafën në postin e ministrit të Brendshëm.

Në përplasjen me socialistin Balla jashtë sallës së parlamentit pak kohë më parë, Kryemadhi e tregoi qartë që nuk e sheh Xhafajn larg karriges së ministrit të Brendshëm.

Ndërsa Balla tha se ?Më vjen shumë keq që bashkëshortja e presidentit ka filluar të bëjë zhurmuesin, por ky është fati i keq i opozitës.?, Kryemadhi i është përgjigjur ?Taulant s?jam marrë as me motrën tënde as me gruan tënde në rregull? Rri urtë! Nuk të shpëton Edi Rama. Edhe nuk bëhesh dot ministër i Brendshëm, t?i zësh vendin Fatmir Xhafës.?/ CNA.al