web counter
LEXO PA REKLAMA!

SHKARKO APP

App Store
Google Play

E fundit!

x

Erdogan testohet nesër/ A do të qëndrojë edhe 5 vite të tjera në presidencë

23 Qershor 2018, 15:01, Aktualitet CNA

Nesër votuesit turq do të shkojnë përpara kutive të votimit për të përcaktur deputetët, por edhe presidentin e ri të vendit. Zgjedhjet e përgjithëshme parlamentare dhe ato presidenciale do të mbahen në të njejtën ditë, ndërkohë që presidenti në funksion Rexhep Taip Erdogan synon një mandat tjetër pesë vjeçar.

Sipas mediave turke, rivalë të tij për postin e presidentit të vendit janë edhe pesë kandidatë të tjerë, ndërsa pjesëmarrëse në zgjedhjet parlamentare numërohen tetë parti politike.

Legjislacioni turk parashikon që të votojnë edhe shtetasit që jetojnë jashtë vendit, të cilët, sipas agjencisë turke të lajmeve “Anadollu” janrë mbi tre milionë me të drejtë vote në zgjedhjet presidenciale dhe parlamentare.

Analistët dhe komentatorët parashikojnë pathyeshmëri të Erdoganit në turin e parë të votimeve, por jo në kufirin që vendos triumfin e tij. Ai është sipër kandidatëve të tjerë, mirëpo nuk e kalon kufirin e mbi 50 përqindshit, gjë që mund ti hapë telashe në balotazh, ku rivali i dyti i listës mund të grumbulloj të gjitha votat e kandidatëve të tjerë, të cilët janë kundër një Erdogani për herë të dytë president.

Por nëse rizgjidhet të dielën në këtë post Rexhep Taip Erdogan do të jetë presidenti i parë i Turqisë i dalë me sistemin e ri presidencial të qeverisjes, që u miratua nga votuesit nëpërmjet një referendumi të mbajtur në prill të vitit 2017.





Lajmet e fundit nga