“Lufta” e rreme Rama-Basha/ Negociatat, fitore dhe humbje për qytetarët

23 Qershor 2018, 12:25, Aktualitet CNA

Shqipëria po zien nga debati mbi çeljen e negociatave. Dhe kur kanë mbetur vetëm pesë ditë nga pritja e një përgjigje nga Komisioni Evropian, kampet politike janë përfshirë në ?luftë të ftohtë? me njëri-tjetrin.
Nga njëra anë kemi mazhorancën, Qeverinë që herë shprehet optimiste se negociatat do të hapen dhe herë tjetër për t?i paraprirë një përgjigje negative, fajëson Opozitën.
Opozita me në krye Lulzim Bashën, prej ditësh kanë vënë alarmin se Shqipëria, nuk i ka kushtet për të hapur negociatat.
Por, në këtë betejë apo pazar politik ata që fitojnë dhe humbin në këtë çështje sigurisht që janë qytetarët.
Dhe për këdo që mendon se mos hapja e negociatave dëmton pushtetin e Edi Ramës i bën llogaritë me mendjen e Lulit.
Nuk e ndëshkoi mosçelja e negociatave as pushtetin e Gruevskit në Maqedoni, përkundrazi e bëri atë më të fortë për 12 vjet.
Edi Rama dëmtohet nëse i pritet rruga që ta kthejë Shqipërinë në sulltanatin e tij, pikërisht se Lulzim Basha është manekini i tij. E blen kur do e me sa do.
Edi Rama rrëzohet nëse Lulzim Basha ngjall shpresën e munguar, të cilën shqiptarët e gjejnë sot vetëm tek ikja në Europë.
Prandaj Lulzim Basha në vend të gëzohet si kalamajtë para akullores, sa herë i çon Genc Pollo ndonjë artikull të përkthyer nga gjermanishtja, le të mendojë se gëzimi i tij për mosçeljen e negociatave, vetëm se argëton më shumë Edi Ramën.
I le dorë për të jetuar i qetë ditët e pushtetit që mund t?ja lëkundë vetëm llogaridhënia në procesin e negociatave. Sa për Lulin, i këndon këngën: lozim bredhim të dy tok, ohoho jemi shokë.
Momentalisht, tre vende të Bashkimit Evropian janë shprehur skeptikë, të pasigurtë çeljen e negociatave të BE-së me Shqipërinë. Bëhet fjalë për Francën, Danimarkën dhe Holandën.
Ndërkohë që Macron ka frikën se politika e zgjerimit të Europës rrit peshën e ekstremit të djathtë në zgjedhjet e ardhshme për Parlamentin Europian, Hollanda të ekuilibrit të saj të vështirë për të mbajt pushtetin me partitë e koalicionit qeverisës, vendi me i qartë deri tani është Gjermania.
Kjo e fundit edhe për shkak të investimit të saj në rajon me procesin e Berlinit e kupton sa e rëndesishme është që ky proces të vazhdojë, qoftë edhe me kushte shtesë./ CNA.al