web counter
LEXO PA REKLAMA!

SHKARKO APP

App Store
Google Play

E fundit!

x

Publikohet skema e pensioneve/ Si të fitosh sigurimet e viteve të humbura

23 Qershor 2018, 07:44, Aktualitet CNA

Për shumë vite qytetarët shqiptarë, por edhe emigrantët kanë punuar në ?të zezë?, duke mos paguar kontributet e sigurimeve shoqërore.

Për këtë arsye Instituti i Sigurimeve Shoqërore krijon mundësinë që, nëpërmjet pagesës vullnetare, të gjithë këta persona të përfitojnë pensionin kur të arrijnë moshën e parashikuar me ligj, shkruan Shqiptarja.com.

Sipas një njoftimi më të fundit të Institutit të Sigurimeve Shoqërore, një pension i plotë pleqërie mund të përfitohet për 36 vite e 4 muaj sigurim. Ndërsa një pension i pjesshëm pleqërie përfitohet për 15 vite sigurim.

Për ata që kanë vite ose muaj pa paguar kontribute dhe që nuk arrijnë shifrën e kohës së duhur për të përfituar pension pleqërie, parashikohet pagesë për të plotësuar kontributet. Kështu, pagesa e kontributit që çdokush mund të paguajë është 5.184 lekë në muaj. Me këtë shifër llogaritet një muaj kontribute, ndërkohë për një vit duhet të paguhet 62.208 lekë, ose 490 euro.

Por ISSH aplikon edhe zbritje, në rast se do të bëhen parapagime nga qytetarët në fillim të periudhave.

Emigrantët, të cilët nuk kanë mbushur moshën e pensionit dhe mendojnë ta kalojmë moshën e tretë në atdhe mund të përfitojnë 6% zbritje nga shuma e kërkuar për një pagesë vjetore; 3% mbi shumën për një pagesë 6-mujore dhe 1.5% mbi shumën për një pagesë 3-mujore.





Lajmet e fundit nga