web counter
LEXO PA REKLAMA!

SHKARKO APP

App Store
Google Play

Ndahet nga jeta shkrimtari i njohur

23 Qershor 2018, 09:17, Aktualitet CNA

Është ndarë nga jeta shkrimtari i mirënjohur, Loni Papa.

Dramaturgu dhe autori i letërsisë për fëmijë, Loni Papa nështë ndarë nga jeta në moshën 87-vjeçare.

Loni Papa u lind në Bubullimë të rrethit të Lushnjës më 28 mars 1932, në një familje intelektuale.

Studimet e larta i përfundoi në degën Gjuhë e Letërsi Shqipe, në Fakultetin Histori ? Filologji në Universitetin e Tiranës.

Veprimtaria e tij letrare nisi në periudhën e shkollës së mesme. Krijimet e tij të para në prozë e poezi i botoi në gazetën ?Zëri i Rinisë?, ?Letrari i Ri?, ?Drita? dhe në revistat ?Hosteni? e ?Pionieri?. Me mbarimin e shkollës së mesme, në moshë ende të re, u emërua redaktor në gazetën ?Zëri Rinisë? ku punoi për tre vjet.

Gjatë kësaj periudhe, ai botoi vëllimin e tij të parë në poezi, ?Fillo këngën çifteli? (1956). Më pas punoi si mësues i gjuhës dhe letërsisë shqipe në qytetin e Lushnjës. Pas përfundimit të studimeve të larta, rinisi punën si redaktor dhe gazetar në gazetën ?Zëri i Rinisë?. Prej vitit 1970, vazhdoi veprimtarinë e tij si shkrimtar në profesion të lirë. Në vitet 1994-2001 ai krijoi dhe drejtoi shtëpinë botuese ?Ardita? ku u botuan vepra të tij, të autorëve të tjerë shqiptarë dhe përkthime nga autorë të huaj.

Veprimtaria letrare shkrimtarit Loni Papa, është pasqyruar në dramë, romane, novela, rrëfenja, poezi, letërsi për fëmijë dhe është autor i shumë shkrimeve publicistike e letrare.

Është autor i 13 dramave. Dramat ?Cuca e Maleve? dhe ?Marga? janë vlerësuar me çmime kombëtare.

Ndër veprat e tij më të njohura për fëmijë janë novelat ?Gishto trimi?, ?Ne gjahtarët e fshatit dhe Lica jonë e dashur? dhe rrëfenjat ?Tri motrat? dhe ? Kënga e Mjellmës?.





Lajmet e fundit nga