E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Plasi” në polici shefin e saj/ Prokurorja nuk lejoi t’ia merrnin nga duart politikanin

23 Qershor 2018, 09:22, Aktualitet CNA

Prokurorja Amanda Xhaferri, vitin që shkoi tronditi opinionin publik, pasi konstatoi se i kishin “grabitur” fashikuj të dosjeve hetimore nga zyra.

Me 3 dhjetor 2017, specialistët për Hetimin e Krimit Ekonomik dhe Financiar në Drejtorinë Vendore të Policisë Elbasan kanë referuar materialet në Prokurorinë e Rrethit Gjyqësor Tiranë për veprën penale ?Shpërdorim detyre? dhe ?Zhdukja ose humbja e fashikullit?.

Ky referim u raportua të ketë ndodhur pasi më datë 02.12.2017, shtetasja, me detyrë prokurore pranë Prokurorisë së Rrethit Gjyqësor Elbasan, Amanda Xhaferri, kur ka shkuar në zyrë ka konstatuar se i kishin humbur 3 fashikuj të procedimeve penale, materiale të Task Forcës për hetimin e korrupsionit.

Policia pas denoncimit të marrë ka shkuar në vendngjarje për të inspektuar zonën dhe gjatë kqyrjes së zyrës, nuk ka konstatuar thyerje nga jashtë dhe ka dyshime se janë marrë nga punonjës të kësajprokurorie, pa dijeninë e saj.

Ky denoncim ka ardhur fill pas lajmit të publikuar nga redaksia e CNA.al, në të cilin shkruhet se referuar burimeve prokuroria Amanda Xhaferri dyshon se këto dosje ia ka marrë eprori i saj.

Në fakt kështu kishte ndodhur. Dosjet që prokurorja Amanda Xhaferri i kishte denoncuar si të zhdukura nga zyra e saj, ishin me nga Dritan Gina, që në atë kohë drejtonte Prokurorinë e Elbasanit.

?Kjo mënyrë veprimi që kanë hyrë në zyrën time, pa praninë time, pa dijeninë time dhe kanë marrë dosjet penale që unë kam patur në ndjekje penale, nuk është normale. Theksoj se, unë si prokurore kam përgjegjësi për materialet e administruara në fashikullin hetimor të çdo dosjeje dhe për më tepër, kur bëhet fjalë për dosje të rëndësishme dhe me materiale sekrete dhe delikate?, është shprehur për mediat, Prokurorja.

Sipas dëshmisë së prokurores, dosjet që janë zhdukur janë: procedimi penal nr 1531 e vitit 2015, rreth 13 volume dhe procedimet me numër 740 dhe 790 të vitit 2016.

Një nga tre dosjet për të cilat, prokurorja e Elbasani Amanda Xhaferi,kallëzoi për ?Shpërdorim detyre? në polici ish-drejtuesin e prokurorisë Dritan Gina ëhstë dosja e rrugës Elbasan-Gjinar.

Gina u akuzua nga Xhaferi se kishte fshehur këtë dosje. Kujtojmë se objekt hetimi në këtë dosje ka qenë ish-drejtori i Përgjithshëm të rrugëve Dashamir Xhika, të cilit prokurorja Xhaferri i vuri prangat.

E guximshme në aspektin professional, por e varfër në apsektin pasuror. Kështu rezulton skeda e pasurisë së prokurores Xhaferri.

Deklarata e pasurisë së Amanda Xhaferri

Gjendje në llogarinë rrjedhëse, në shumën731.379,32 lekë

Burimi i Krijimit: Të ardhura të kursyera nga të ardhurat e përfituara nga paga neto si Prokurore në Prokurorinë pranë Gjykatës së Shkallës së Parë Elbasan, që nga data e fillimit te detyrës e deri aktualisht.

Të ardhurat nga paga neto si Prokurore në Prokurorinë pranë Gjykatës së Shkallës së Parë Elbasan, të përfitura për periudhën 01 Janar 2016 ? 31 Dhjetor 2016, në shumën 1,253,988 lekë.