web counter
LEXO PA REKLAMA!

SHKARKO APP

App Store
Google Play

E fundit!

x

Zhbllokohet situata/ Gati ngritja e KLP dhe KLGJ

23 Qershor 2018, 08:57, Aktualitet CNA

Komisioni i Pavarur i Kualifikimit ka vendosur që procesi i verifikimit të vijojë me kandidatët e organeve të reja të drejtësisë.

Këshilli i Lartë i Prokurorisë dhe Këshilli i Lartë Gjyqësor, duket se janë drejtë zgjidhjes së ngërçit, kjo pasi shumica që kanë kaluar në filtrin e procesit të vetingut, kanë rezultuar të pastër.

Janë 7 kandidatë të KLGJ dhe KLP që i janë nënshtruar vetingut, ku vetëm 2 prej tyre nuk e kanë kaluar dot procesin.

Nga KLP janë 2 kandidatë që kanë dalë para organeve të vetingut. Prokurorja e Tiranës, Anila Leka e cila ka kaluar vetingun, ndërsa prokuroja e Shkodrës, Besa Nikëhasani ka ngelur në veting.

Ndërkohë që ditën e hënë para KPK pritet që të dalë kandidati tjetër i KLP-së, prokurori i Shkodrës, Vat Stakaj. Ndërsa nga ana tjetër, kandidatët që kanë dalë para Komisionit të vetingut janë Besim Trezhnjeva; Manjola Xhaxho; Marcela Shehu; Ilir Toska dhe Brikena Ukperaj, e cila doli ditën e djeshme.

Më konkretisht, gjyqtari i Durrësit, Besim Trezhnjeva ka ngelur në veting, ndërsa gjyqtari Ilir Toska ka kaluar vetingun.

Kurse gjyqtarja Manjola Xhaxho dhe gjyqtarja Marcela Shehu e kanë kaluar vetingun.

Drejt rikonfirmimit është edhe gjyqtarja Brikena Ukperaj. Pra duke parë këtë trend, ku shumica e kandidatëve të Këshillit të Lartë Gjyqësor dhe Këshilli të Lartë të Prokurorisë, kanë dalë të pastër duke kaluar vetingun, me shumë gjasa ngritja e KLGJ-së dhe KLP-së do të ngrihet brenda muajit korrik. Megjithatë, mbetet për t?u parë në ditët në vijim se çfarë do të ndodhë më konkretisht.

 





Lajmet e fundit nga