Kosova, në Bruksel pa platformë shtetërore dhe legjitimitet të Kuvendit

23 Qershor 2018, 15:56, Aktualitet CNA

Pala kosovare është duke shkuar në takimin e Brukselit, që do të mbahet të dielën, pa një platformë shtetërore, pa legjitimitetin e Kuvendit të Kosovës dhe pa një konsensus politik, ndërsa çdo rezultat nga ky takim do të jetë diskutabil dhe i dyshueshëm.

Kështu vlerësojnë analistët dhe njohësit e rrethanave politike në Kosovë.

Madje, sipas politologut Belul Beqaj, ka thenë për “telegrafin” se takimi mes Thaçit dhe Vuçiqit është një spektakël medial. Sipas tij, rezultati i vetëm pozitiv në këtë takim mund të jetë gatishmëria e palëve për të vazhduar dialogun.

Ai konsideron se niveli i takimeve nuk është aq me rëndësi sa është me rëndësi që dialoguesit të kenë mbështetjen serioze të institucioneve politike dhe vullnetit politik të shumicës së qytetarëve të Kosovës.

Ndërkaq, Jeta Krasniqi, menaxhere e projektit për dialogun në KDI, ka bërë të ditur se shteti i Serbisë prej disa kohësh është duke përdorur një diplomaci të egër kundër shtetit të Kosovës. Sipas saj, kjo sjellje e Serbisë shkon ndesh edhe me vet parimet e BE-së, përkatësisht të fqinjësisë së mirë. Krasniqi thekson se nëse Serbia vazhdon me një qasje të tillë atëherë BE duhet ta sanksionoj rrugëtimin e saj evropian. Mirëpo a kanë dijeni rreth temave të mundshme që pritet të diskutohen të dielën në Bruksel?

?Nuk kemi informacione se çfarë do të diskutohet në këtë takim në mes palëve përveç paralajmërimit se do të jetë takimi i parë për fazën finale, edhe atë sipas qëndrimit të presidentit Thaçi. Nëse është kështu, atëherë pala kosovare në këto bisedime është duke shkuar pa një platformë shtetërore, pa legjitimitetin e Kuvendit të Kosovës, pa një konsensus politik dhe mbi të gjitha me një skenë politike të fragmentuar mbi vet udhëheqësin e këtij procesi?, ka thënë tutje Krasniqi. Sipas tw cilws duhet të ketë konsensus politik mbi fazën finale të dialogut Kosovë-Serbi për të përcaktuar qëndrimin e palës kosovare.

?Kuvendi i Kosovës duhet të jetë epiqendra e diskutimeve rreth fazës së ardhshme të dialogut me Serbinë duke synuar ndërtimin e konsensusit politik dhe mbi të gjitha të definimit të qëndrimit dhe platformës së shtetit të Kosovës në këto bisedime. Pajtimi i klasës politike për udhëheqësin dhe ekipin përbërës negociues me Serbinë, do të paraqiste legjitimitet dhe vlerë të shtuar përfaqësimin e shtetit të Kosovës?, theksoi ajo.