web counter
LEXO PA REKLAMA!

SHKARKO APP

App Store
Google Play

Negociatat me BE/ Ngjela zbulon kush fshihet pas tyre

22 Qershor 2018, 11:07, Politikë CNA

Avokati i njohur Spartak Ngjela ka folur në lidhje me hapjen e negociatave për Shqipërinë. Në një postim në rrjetet sociale, Ngjela është shprehur se negociatat nuk varen nga punët e Brendshme të Shqipërisë.

Sipas tij është politika aktuale amerikane për Ballkanin Perëndimor, e cila do të detyrojë BE-në të hapë negociatat. Ai sqaron se vota pro ose kundër, nuk do të jetë për Shqipërinë por për Shtetet e Bashkuara.

Ngjela shkruan se do të ketë përgjigje pozitive, pasi të gjitha vendet e BE janë pro Amerikës. Avokati e mbyll postimin, duke thënë se ata që shpresojnë tek vota kundër e kanë të kotë.

Postimi i plotë

Çelja e negociatave të Shqipërisë me Bashkimin Evropian më 28 qershor, është një gjë e sigurt.

Cila është arsyeja politike që e garanton hapjen e negociatave të Shqipërisë me Bashkimin Europian?
Kurrë nuk duhet menduar se garancia që të gjitha vendet e Bashkimit Europian do të votojnë për Shqipërinë më 28 qershor, do të gjendet në situatën e brendshme të Shqipërisë.
Në këtë rast kjo nuk ka lidhje fare me këtë situatë.

Garancia që të gjitha vendet e Bashkimit Europian në mënyrë unanime do të votojnë më 28 qershor për çeljen e negociatave me Shqipërinë, është te politika aktuale anerikane për Ballkanin Perëndimor, prandaj vota e tyre, politikisht, nuk do të hidhet pro apo kundër Shqipërisë.
Kështu siç ka ardhur situata, vota e të gjitha vendeve të Bashkimit Europian për çeljen e negociatave me Shqipërinë, politikisht, kuptohet që do të jetë një votë pro ose kundër Shteteve të Bashkuara Amerikës.
Domethënë është e kuptueshme që do të jetë pro, sepse, natyrshëm, që të gjitha vendet e BE-së do të jenë pro Amerikës.

Gjithçka është e sigurt, prandaj korrupsioni i lartë në Tiranë kot e ka që çirret dhe kot e ka që shpreson te vota kundër. /CNA.al





Lajmet e fundit nga