E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Sherr te “Ekonomia”/ Rebelohet Braçe, i “sulet” çunit të Fahriut

20 Qershor 2018, 11:50, Politikë CNA

Mbledhja e sotme komisionit parlamentar të Ekonomisë dhe Financave është shoqëruar me debate dhe përplasje të forta, gjë që ka bërë që kreu i Komisionit Erion Braçe të mbyllë mbledhje.

Tensionet kanë ardhur pasi socialisti Erion Braçe u përplas me djalin e Fahri Balliut, deputetin demokrat, Klevis Balliu që në nisje të mbledhjes.

Fahriu akuzoi qeverinë si të korruptuar dhe për këtë arsye sipas tij çelja e negociatave është e pamundur.

Gjithashtu, Balliu hodhi akuza edhe në adresë të kompanisë që do ndërtojë Teatrin e Ri Kombëtar, akuza të cilat sipas Braçes janë gjobëvënie. Insistimi i Balliut për t’i ndërprerë fjalën, duket se ka acaruar mjaft Braçen, i cili iu përgjigj duke mbyllur mbledhjen ende pa nisur mirë.

Debati te komisioni parlamentar i Ekonomisë:

Klevis Balliu: Brenda këtij komisoni ka edhe kolegë socialistë qëe kuptojnë këtë gjë që është e pamundur të ketë hapje negociatash në një moment kur kemi një korrupsion galopant. Dhe këtu po marr shembullin e kompanisë “Fusha”, e cila në mënyrë të paprecendetë ka marrë 129 tendera, 90 milionë euro. Në një vend kaq të vogël, 90 milionë euro. Janë vjedhur 865 milionë euro, shumë marramendase për një vend si Shqipëria. Tani z.Rama kërkon të marrë 600 mijë Sirianë dhe kërkon të zëvendësojë popullin e Skënderbeut me popullin e Sulltanit. Sa shqiptarë janë larguar vitet e fundit? 600 mijë shqiptarë. I thoni atij zotërisë si ka mundësi që ikën këta.

Erion Braçe: Këtë komision nuk e përdor dot as ti, as unë dhe askush për t’i vendosur gjopbë kompanive që operojnë në tregun e shqiptarë. Po të kishte lexuar raportin e KLSH, do kishe kuptuar që vlera prej 826 mln euro, përbëhet nga mungesa e vendojes së gjobave për makinat e sekuestruara që operonin në mënyrë të paligjshme si lojëra fati. O djalë, nga dhjetori…

Klevis Balliu: E para njëherë…djalë, shko thuaji ndonjë tjetri…

Erion Braçe: Ok, ndjesë…deputet i nderuar. Dëgjo pak, nga dhjetori, kur erdhi kjo prokurorja që e identifikoni si tonën, deri tani, KLSH ka kallëzuar bvetëm, 5 ccështje, dy të tjera…

Klevis Balliu: Zoti kryetar, ca justifikimi ke për këtë?

Erion Braçe: Kur s’di gjë, mbylle tani dhe mos e vazhdo më. Do rrish tani që ta mbaroj unë?

Klevis Balliu: Mbylle ti.

Erion Braçe: Atëherë mbledhja e komisionit mbyllet.

Klevis Balliu: Të fala mbylljes dhe kujt të duash… Përgjigju këtyre letrave njëherë.

Erion Braçe: S’do ketë mbledhje këtu sa kohë do jesh i pranishëm ti. Nuk do ketë mbledhje…

Klevis Balliu: Erjon, më shumë shanse kam të hyjë unë këtu brenda, se ti, vazhdo rrugën tashi…

Edmond Spaho: Edhe dje e mbylle mbledhjen kështu, nuk është serioze…