E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Rehatohet Kryeprokurori/ Artan Bajrami “uzurpon” institucionet shtetërore

16 Qershor 2018, 08:59, Aktualitet CNA

Në Shqipëri, besnikëria në drejtësi ?blihet? me punësime në institucionet shtetërore.

Shpesh kemi dëgjuar emra të caktuar prokurorësh dhe gjyqtarësh që lakohen se i përkasin dhe punojnë në favor të një force të caktuar politike. Logjikisht i bie që edhe prokurorët e gjyqtarët të kenë një forcë politike të preferuar, pasi janë qytetarë dhe votues të këtij vendi, por kjo nuk duhet zbatuar në punën që ata kryejnë.

Por, kjo logjikë në një pjesë jo të vogël të rasteve bie. Kemi gjyqtarë dhe prokurorë që familjarët e tyre pa përjashtim i kanë të punësuar në institucionet shtetërore. A thua se ekspertët më të mirë janë vetëm ata që iu përkasin familjeve të kësaj kategorie.

Rrjedhimisht kuptohet se në këto kushte sa i pavarur mund të jetë një gjyqtar apo prokuror.

Sipas formularit të deklarimit të pasurive, të marrë nga CNA.al pranë ILDKPKI-së, rezulton se kryeprokurori i Prokurorisë së Apelit për Krime të Rënda Artan Bajrami, i ka ?duart? e sigurta në institucionet e shtetit.

Bashkëshortja i punon specialist në Ministrinë e Shëndetësisë dhe Mbrojtjes Sociale. Vajza i punon specialiste në Ministrinë e Financave dhe Ekonomisë, ndërsa djali punon si oficer i policisë gjyqësore në Prokurorinë pranë Gjykatës së Shkallës së parë Elbasan.

Nuk paragjykojmë aftësinë e familjarëve të kryeprokurorit, por kjo situatë automatikisht vë në pikëpyetje pavarësinë e tij në lidhje me detyrën që ai bën.

Pasuria e deklaruar nga kryeprokurori Artan Bajrami

Kursime familjare nga pagat cash, në shumën 600.000 lekë.

Paga neto gjatë vitit 2017 në detyrën e Drejtuesit të Prokurorisë, në shumën 1.735.457 lekë.

Pagesa nga Shkolla e Magjistraturës në shumën 34.000 lekë dhe 42.500 lekë.

Paga neto e bashkëshortes, gjatë vitit 2017 në detyrën e specialistes në Ministrinë e Shëndetësisë dhe Mbrojtjes Sociale në shumën 757.328 lekë.

Paga neto e të bijës gjatë vitit 2017, në detyrën e specialistes në Ministrinë e Financave dhe Ekonomisë, shumën 710.241 lekë.

Paga neto e të birit për vitin 2017 si oficer i policisë gjyqësore në Prokurorinë pranë Gjykatës së Shkallës së parë Elbasan, në shumën 584.273 lekë.

Shlyer kredi, gjatë vitit 2017, në shumën 284.400 lekë, ndërsa e pashlyer shuma 1.855.223.8 lekë.

Kontratë kredie konsumatore, në emër të djalit, me datë 28.06.2017 për shumën 120.400 lekë. Detyrimi i shlyer është në shumën 65.994 lekë, ndërsa pashlyer në shumën 62 793 lekë .

Overdraft me datë 13.01.2017 për shumën 157.000 lekë. Detyrimi i shlyer në shumën 82.000 lekë, ndërsa pashlyer në vlerën 79.805,90 lekë./CNA.al