web counter
LEXO PA REKLAMA!

SHKARKO APP

App Store
Google Play

Thellohet kriza në Drejtësi/ Këshilli i Emërimeve drejt shkrirjes

16 Qershor 2018, 08:26, Aktualitet CNA

Këshilli i Emërimeve në Drejtësi është institucioni i dytë pas Gjykatës Kushtetuese që rrezikon të bllokohet, duke e thelluar më tepër krizën në drejtësi.

KED u ngrit në kuadër të reformës në drejtësi dhe në 7 dhjetor të vitit 2017 u zgjodhën nëntë anëtarët e tij, kryesisht nga të gjitha nivelet e gjykatave dhe prokurorive në vend.

Deri më tani nga këta anëtarë, vetëm 3 prej tyre i janë nënshtruar procesit të vetingut dhe Besnik Imeraj dhe Altina Xhoxhaj kanë rezultuar me probleme, ndërsa Gentian Trenova pritet që të përjashtohet.

“SOT” ka bërë me dije se janë edhe dy emra të tjerë që pritet të mos e kalojnë procesin e Vetingut, por nuk i janë bërë ende me dije emrat për arsye etike.

Bëhet e ditur se personi i parë është një gjyqtar, për të cilin Ministria e Drejtësisë i ka kërkuar Këshillit të Lartë të Drejtësisë që ta shkarkojë.

Po ashtu, është edhe një tjetër emër që pritet t?i bashkohet listës së të larguarve, duke e çuar në 5 numrin e anëtarëve të Këshillit të Emërimeve Drejtësi që nuk kalojnë procesin e vetingut dhe që për rrjedhojë përjashtohen edhe nga KED. Ky person është nën hetim nga prokuroria për fshehje të pasurisë. Pra nga 9 anëtarë që ka KED, ngelet me 4 anëtarë.

KED e ka të pamundur që të marrë vendime, sa i takon plotësimit të vendeve vakante në Gjykatën Kushtetuese dhe Gjykatën e Lartë, pasi nuk plotësohet kuorumi i votave të nevojshme. /CNA.al





Lajmet e fundit nga