web counter
LEXO PA REKLAMA!

SHKARKO APP

App Store
Google Play

E fundit!

x

Vettingu-Ndihmuan subjektet në fshehjen e pasurive/ Noterë e punonjës hipotekash drejt Prokurorisë

16 Qershor 2018, 07:49, Aktualitet CNA

Komisioni i Pavarur i Kualifikimit ka zbuluar se shumë prokurorë kanë bërë pazare me noterët dhe përfaqësues së Zyrave të Pasurive të Paluajtshme, me qëllim fshehjen e pasurisë, së tyre qofshin këto monetare apo të paluajtshme.

Gazeta ?SOT? ka mësuar se sapo të zyrtarizohen organet e reja të drejtësisë, KPK do të padisë penalisht me dhjetëra noterë, punonjës të hipotekave, por dhe funksionarë dhe qytetarë të cilët kanë depozituar informacione të rreme.

Mësohet se noterët kanë ndihmuar ato gjyqtarë dhe prokurorë, të cilët kanë qenë të frikësuar se mos procesi i vetingut i gjen me shkelje në pasuri.

Ata kanë fshehur apartamente, shtëpi banimi, dyqane, lokale, toka bujqësore dhe trualle të ndryshme, duke mashtruar. Përmes noterëve dhe regjistruesve, gjyqtarët kanë manipuluar pronësinë e objekteve dhe vlerat e tyre.

Por kjo gjë është vërtetuar nga KPK. Rasti më i fundit ishte të enjten.

Në seancën dëgjimore me prokurorin e Apelit të Tiranës, nga ana e KPK u bë me dije se subjekti në fjalë kishte ndërmarrë veprime fiktive në Zyrën e Pasurive të Paluajtshme, pasi ka shtuar një kat në apartamentin e tij dhe me pas ia ka dhuruar vjehrrës.

Po ashtu, këtë të enjte gjatë seancës u evidentua edhe një tjetër lëvizje që prokurorët dhe gjyqtarët kanë bërë me noterët, ku KPK bëri me dije se prokurori i Apelit të Tiranës kishte kryer deklarim të rremë në lidhje me një apartament në Tiranë, për të cilin kishte bërë 2 kontrata noteriale.

Gjatë kësaj kohe që po vijon procesi i vetingut për gjyqtarët dhe prokurorët, komisionerët kanë marrë edhe shumë dëshmi, denoncime dhe deklarata nga persona të tretë.

Denoncuesit do të verifikohen dhe nëse rezultojnë të rreme, do të ketë edhe kallëzime penale. /CNA.al





Lajmet e fundit nga