E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Debati për Teatrin/ Zbulohen fakte tronditëse

16 Qershor 2018, 09:11, Aktualitet CNA

Prej muajsh artistët janë në një konflikt të hapur me qeverinë, për mos prishjen e Teatrit Kombëtar.

Reagimet kanë qenë dhe vijojnë të jenë të ashpra dhe nga radhët e opozitës.

Në një postim në rrjetet sociale, kreu i grupit parlamentar të Lëvizjes Socialiste për Integrim, Petrit Vasili ka sulmuar kryeministrin Edi Rama, ministren e Kulturës Mirela Kumbaro dhe kryebashkiakun Erion Veliaj, si personat që shpenzojnë qindra miliona lekë për portale dhe që duan të grabisin tokën e Teatrit Kombëtar.

Vasili ka thënë se kjo qeveri është mashtruese dhe ka risjellë si fakt një deklaratë të Ministres së Inovacionit Milena Harito bërë në 2016 përpara Komisionit Parlamentar të Ligjeve, ku thoshte: “Vetëm për të pasur një ide për vlerën e kësaj, në tri vitet e kaluara për infrastrukturën dixhitale janë shpenzuar nga shteti shqiptar, dhe këtë e keni edhe te APP, nga institucionet e ndryshme, jo vetëm institucioni që drejtoj unë, janë investuar nga buxheti rreth 100 milionë euro”.

Postimi i plotë:

Kryeministri,qe baderdisi mbi 100 milion euro me portale s’ka leke per teatrin.Kriminale.

Kryeministri megjithe Bashki e Ministri bejne ne menyre te peshtire viktimen sikur s’ka para’,vetem e vetem qe te grabisin token e Teatrit Kombetar dhe ta shkaterrojne ate.

Keta jane thjesht dhe vetem kriminele te artit dhe kultures se Shqiperise,pasi kerkund nuk eshte pare e degjuar qe krenaria e artit te nje vendi te trajtohen si armiq nga qeveria e tyre vetem sepse mbrojne artin.

Ne po perjetojme tragjikisht inkuizicionin e binomit shkollepake dhe hajdute,qe po bie si sopate mbi Teatrin Kombetar dhe aktoret e shkelqyer te tij.

Sa per parate, po ju sjell vetem fakte se ç’baderdi kane bere keta duke bere leket rrush e kumbulla me portale e digitalizimi koti.

E kane pohuar vete qe kane grire mbi 100 milion euro per to dhe te gjithe e kuptojne menjehere qe vetem me to do kishim bere nja 5 teatro kombetare ultra moderne.

Dhe sot qajne e lajne se gjoja s’kane para’.

Jane mashtrues e kusare dhe pike.

Ja fakti i pohuar me gojen e tyre:

Ne nentor te 2016 Ministrja e Inovacionit Harito deklaronte perpara Komisionit Parlamentar te Ligjeve:

“Vetëm për të pasur një ide për vlerën e kësaj, në tri vitet e kaluara për infrastrukturën dixhitale janë shpenzuar nga shteti shqiptar, dhe këtë e keni edhe te APP, nga institucionet e ndryshme, jo vetëm institucioni që drejtoj unë, janë investuar nga buxheti rreth 100 milionë euro”. /CNA.al