E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Raporti i KLSH/ 1.5 milardë euro të përvetësuara nga zyrtarët e të pakthyera në buxhet

15 Qershor 2018, 16:40, Aktualitet CNA

Rekordin e mbajnë Shëndetësia, KESH, Posta, AKBN, 43 Ujësjellës, OSHEE, portet detare, Drejtoria e Transportit Rrugor, hekurudha, dogana, bujqësia, nafta, tatimet, 12 inspektorate qendrore dhe 42 bashki, ku miliardat e shtetit janë bërë pasuri, ndere e qjefe private prej titullarëve e vartësve të tyre…

Një tjetër skandal i rëndë, ka dalë nga ?xhungla? e korrupsionit zyrtar, bërë me financat publike, në entet dhe institucionet shtetërore, ku janë përfshirë drejtues e vartës të tyre të çdo niveli.

Në tavolinën e kryeministrit Rama është lënë një raport hetimi, i kryer nga Ministria e Financave, lidhur me zbatimin e vendimeve të KLSH në aspektin e abuzimeve financiare, të kryera prej drejtuesve e vartësve të tyre në institucione, ndërmarrje, shërbime shtetërore, në shoqëritë aksionere, në shoqëritë anonime (Sh.a) dhe kudo ku punohet me financa publike.

Raporti i publikuar nga “pamfleti.com” zbulon mbulimin e abuzimeve, me moszbatim të vendimeve të KLSH, për rikthimin e vlerave financiare në arkën e shtetit. Kontrollet e kryera në 10 vitet e fundit, kanë zbuluar 1.5 miliardë euro abuzime me fondet publike, 75% e të cilave janë vjedhur nëpërmjet tenderëve të investimeve, shitje-blerjeve, të ardhurave, fitimeve, mallrave e produkteve të skaduar, punonjës tepër, shtesa fondesh në tendera, paga të larta, autovetura, telefoni, zhdukje mallarash, blerje veturash, mobilim zyrash, kanceleri, shpërblime, udhëtime, pagesa bordesh, sponsorizime e deri bankete dhe piknike me fondet e institucioneve.

Për këto vlerat financiare, të abuzuara e të vjedhura, KLSH ka urdhëruar të rikthehen në shtet por nuk janë rikthyer, mbasi janë penguar me urdhëra e mosveprim të drejtuesve shtetëror, shumica e të cilave janë vetë hajdutët dhe shpërdoruesit e miliardave.

Sipas raportit, nga 1.5 miliardë euro të zhdukura, në arkën e shtetit janë rikthyer vetëm 92 milionë euro, ndërsa 1 miliard e 408 milionë euro, vazhdojnë të jenë pasuri e drejtuesve, zyrtarëve, nëpunësve, punonjësve dhe subjekteve private, të cilët kanë urdhëruar, firmosur e përfituar aubuzivisht.

Sipas KLSH, miliardat e përvetësuara duhej të ishin rikthyer në arkën e shtetit, me këto rrugë ligjore: ndalim në pagën mujore; rikthim detyrimi vullentarisht, shtrëngim ligjor nëpëmrjet orgabeve të drejtësisë, me këkresë të titullarit, mirëpo asnjë nga këto rrugë nuk është zbatuar, mbasi 70% e rasteve janë zullume të bëra vetë drejtuesve!

Vjedhjet nuk i kanë rikthyer as drejtuesit e 104 ish-komunave, duke u lënë në ?harresë? prej shtetit, ndërkohë që shumë prej tyre vazhdojnë detyrat si kryetar të bashkive, kryetar të njësive administrative dhe drejtorë në qarqe e qeveri.

Megjithëse janë vërtetuar si hajdutë dhe shpërdorues fondesh e për ta KLSH ka kërkuar ?largim të menjëhershëm nga detyra ose puna?, rezulton se afro 80% e zyrtarëve zullumqarë vazhdojnë të jenë drejtues dhe nëpunës në administratën publike. Madje 65% e tyre në po ato institucione e ente shtetërore ku janë kapur me vjedhje e abuzime dhe rrinë të qetë, mbasi nuk i përfshin as ligji i ?Veting?-ut, raporton “pamfleti”!