Aldo Bumçi merr një vendim të rëndë !

15 Qershor 2018, 10:15, Aktualitet CNA

Aldo provoi çfarë është zeniti gjatë gjithë kësaj kohe! Populli i Lezhës i la mënjanë hallet, brengat e përçarjet duke u bashkuar si një trup i vetëm rreth figurës poliedrike të Aldos, aqsa vendosen ti ndërtojnë një monument madhështor! Aldo në fillim e priti mirë këtë lajm se tek e fundit ishte një nismë në kohën e duhur.

Qytetaret lezhjane nopranë e ngatërrestarë kur vjen puna tek venerimi ndaj Aldos bëhen solid, por kjo ngjarje e pazakontë solli pështjellim e tollovi të madhe në mbarë vendin të cilin e karakterizon mosmirënjohja në të gjallë të personaliteteve.

Problemet më të mëdha lindën në PD. Mirësia e Aldos nuk e kishte parashikuar këtë. Ai besonte se të gjithë do kënaqeshin po ajme kështu nuk ndodhi.

Salianji shfaqi haptaz xhelozi e përmbysi qiellin e tokën që Korça te imitonte Lezhen. Vali Duka gjithashtu, aqsa PD e Korçës, por edhe stofi i shoqërisë u përça dhe u mbush me vrima.

Ennos i vodhen planin e shpëtimit kombëtar se kështu ai e kishte të sigurtë shtatoren në oborr të selisë.

Strazo i cili sa herë duhej trimëri e vetëmohim ka vënë patllaken në brez dhe tha ?o burra ndalu bek se ka hanek?. Pastaj mjafton të kujtojmë sesi ai pothuajse ra shahit për ligjin e dekriminalizimit!

A mund të shtrohet pyetja në e meriton apo jo një monument? Sigurisht që jo ! E sa të tjerë janë ndezur në ambicje për të komplementuar vendet bosh që kjo histori e jona ka ende.?!

Kështu Aldos, gëzimi ju kthye në makth. Respekti i të tjerëve për të në vuajtje. Dashuria e qytetit rrezikonte ta ekspozonte si delirant para kombit. Zgjidhje e vështirë…qyteti apo kombi, vetja apo përçarja, modestia apo zilia?

Pasi kaloi disa net plot zjarr, në mendje e zemër vendosi të merrte një vendim të rëndë . Ai ju drejtua qytetit me një letër të hapur, ku ndër të tjera ju tha ” lezhjanet e mia që ju dua e më doni, unë që ju kam ndihmuar dua që të më ndihmoni, unë që ju kam kuptuar dua që të më kuptoni! E di që do të shastiseni, do të këputeni në shpirt. E di që pikëllimi do ju pushtojë siluetat, por më besoni se po e bëj për ju dhe vendin, nuk dua t?ju fus në kundërvënie. Ndaj hiqni dorë nga ideja për të ndërtuar monumentin tim prej bronxi.

Unë jam i bindur që e kam ndërtuar atë në zemrat tuaja dhe s?ka rrufe, as shi e bresh që e heq së andejmi. Unë përjetë do sakrifikohem për ju deputet e ministër sa të kem frymë do jem për ju! Dua të shmang përçarjen dhe të jap shembullin e bashkimit.

Ju lutem shpjegojuani pleqve dhe fëmijëve me kujdes këtë vendim timin që mos ti zërë në befasi se është edhe vapë! Shqipëria është mbi të gjitha, PD menjëherë pas saj dhe kjo nuk bie në kundërshtim me dashurinë tuaj.Ju e bëtë aktin, ndaj ndërgjegjia juaj është e qetë.Në kohë më të mira do i kthehemi këtij projekti.Mos u brengosni miq ! Juaj përjetë Aldo!/ Satire Politike-CNA.al