Hahn: Shqipëria plotësoi kërkesat, ne të mbajmë premtimin

14 Qershor 2018, 13:55, Aktualitet CNA

Hapja e negociatave për anëtarësimin e Shqipërisë në Bashkimin Europian,është tema kryesore që zien në rrethet e politikës.

Opozita thotë se Shqipëria nuk i ka plotësuar kushtet, ndërsa Kryeministri Edi Rama, këmbëngul se Shqipëria është gati për të qenë pjesë e BE ?së.

Në një postim në rrjetet sociale si për të konfirmuar atë çfarë ka deklaruar më herët, Rama ka postuar një pjesë nga intervista e komisionerit të BE-së Johanes Hahn dhënë për Der Standard.

“Pra, nga këndvështrimi ynë, Shqipëria ka përmbushur kërkesat për të filluar procesin e shqyrtimit. Bazuar në këtë ju mund të bëni një analizë për të parë kriteret për hapjen e kapitujve. Jam i bindur se Shqipëria, pas vendimit maqedonas, mund të bëjë të njëjtën gjë. Mundësia për reforma është më e fortë gjatë negociatave. Unë jam i bindur se Franca dhe Holanda do të shohin gjithashtu ?gotën gjysmë plot?. Besueshmëria jonë është pjesë e sistemit tonë të vlerave”, ka thënë ndër të tjera Komisioneri Hahn në intervistë.

Postimi i plotë:

SHQIPËRIA PLOTËSOI KËRKESAT. NE DUHET TË MBAJMË PREMTIMIN!

Komisioneri i BE-së Johanes Hahn në një intervistë për Der Standard shpreson për zgjidhjen e mosmarrëveshjes së emrit dhe e quan dritë të gjelbër për çeljen e negociatave me Maqedoninë dhe Shqipërinë.

Hahn: ?Për momentin ka një trazirë nëpër rajon. Shkaku ishte strategjia jonë e zgjerimit, e cila hap një perspektivë për të gjitha shtetet. Në Kosovë, ka pasur ratifikimin e papranueshëm të marrëveshjes së kufirit me Malin e Zi. Ish Republika Jugosllave e Maqedonisë dhe Bullgaria kanë nënshkruar një marrëveshje miqësie dhe ka gjithashtu negociata të hapura midis Greqisë dhe Shqipërisë. Procesi i shqyrtimit gjyqësor në Shqipëri është në lëvizje të plotë. Reforma gjyqësore është një prioritet në Shqipëri.

Pra, nga këndvështrimi ynë, Shqipëria ka përmbushur kërkesat për të filluar procesin e shqyrtimit. Bazuar në këtë ju mund të bëni një analizë për të parë kriteret për hapjen e kapitujve. Jam i bindur se Shqipëria, pas vendimit maqedonas, mund të bëjë të njëjtën gjë. Mundësia për reforma është më e fortë gjatë negociatave. Unë jam i bindur se Franca dhe Holanda do të shohin gjithashtu ?gotën gjysmë plot?. Besueshmëria jonë është pjesë e sistemit tonë të vlerave.

Nëse bëjmë një premtim, dhe pala tjetër plotëson kërkesat, atëherë ne duhet të pajtohemi. Nëse kjo nuk do të ndodhë, kjo do të prekte vendet e tjera në rajon?./CNA.al