web counter
LEXO PA REKLAMA!

SHKARKO APP

App Store
Google Play

Fundi i Gjykatës Kushtetuese?/ "Zgjohet" Meta

14 Qershor 2018, 12:31, Aktualitet CNA

Presidenti Meta ka reaguar në lidhje me ngërçin e krijuar si pasojë e mosfunksionimit të Gjykatës Kushtetuese, ndërsa ka kërkuar që të përfundojë Vetting-u i anëtarëve të saj.

Kreu i Shtetit, gjatë këtij prononcimi, i pyetur nga gazetarët në lidhje me gjendjen aktuale të bllokimit dhe mosfunskionimit të Gjykatës Kushtetuese, ka nënvizuar rëndësinë që ka përfundimi nga institucionet e rivlerësimit kalimtar, pra të institucioneve të Vettingut të të gjitha procedurave për të gjithë anëtarët e Gjykatës Kushtetuese që janë shqyrtuar në shkallën e parë, por që ende nuk janë marrë në shqyrtim përfundimtar.

?Përfundimi i këtij procesi është i domosdoshëm që të kemi sa më shpejt një Gjykatë Kushtetuese funksionale dhe të përgjegjshme, për t?i dalë për zot Kushtetutës së vendit dhe të gjithë debateve lidhur me kushtetuetshmërinë e ligjeve, apo të akteve të ndryshme.?-u shpreh Meta.

Meta ka vënë theksin në mezazhin e tij për plotësimin sa më shpejt të vakancave përfundimtare të krijuara në trupën gjyqësore të Gjykatës Kushtetuese, për të cilën janë hapur procedurat e konkurimit që prej muajit shkurt të këtij viti nga Institucioni i Presidentit të Republikës dhe më pas edhe nga Kuvendi.

Presidenti Republikës ka përcjellë edhe një herë mesazhin dhe kërkesën që Këshilli i Emërimeve në Drejtësi duhet të funksionojë sa më shpejt, për të vlerësuar kandidaturat, të cilat janë paraqitur në përputhje me procedurat kushtetuese e ligjore, si nga Presidenti i Republikës, ashtu edhe nga Kuvendi i Shqipërisë./ CNA.al





Lajmet e fundit nga